1.
Lalawigan ng Pampanga ay ginugunita ngayon
ang naganap na pagputok ng Mount Pinatubo noon
ngayong a kinse ng Hunyo’y pangtatlumpu’t limang taon
ng malagim na delubyong sa limot ay di mabaon
ito ang itinuring na greatest volcano eruption
malakas na di hamak sa pagsabog ng Bulkang Mayon
2.
Ang binugang volcanic ash ay di lamang sa Maynila
nakaabot kundi maging sa kalapit nating bansa
nagkataon pang may bagyo at ang abo ay nabasa
bumigat at sa bubong ng mga bahay ay sumira
sa Pasig-Potrero River ang lahar ay nanalasa
ang lahat ng madaanan kongkreto man nagigiba
3.
Higit walong daang tao ang nasawi sa delubyo
sa walang tigil na ulan na dala-dala ng bagyo
tinamaan ang Angeles, Porac, Magalang, Mexico
Mabalacat, Sta Rita, Bacolor, at San Fernando
ang dinanas ng Pampanga’y isang matinding kalbaryo
gumimbal at naitala sa kasaysayan ng mundo
4.
Ngunit bakit kailangan pa na ito ay gunitain?
gayong ito’y nagdulot lang ng matinding suliranin
ngunit kung pag-aaralan at matamang iisipin
ang ganitong pangyayari ay di dapat na limutin
sapagkat sa buong mundo ay naipakita natin
na ang ganoong pagsubok ay kaya nating harapin
5.
Sa poot ng kalikasan Kapampangan ay tumindig
kahit ang dulot nito ay libong dusa at hinagpis
di nasiraan ng loob at hindi rin nagpalupig
nagkaisa, sama-sama sila’y hindi nagpadaig
dahil sa pagkakaisa at kanilang pananalig
sa Amang Diyos na lumikha nagtagumpay at nanaig
6.
Ang aming ginugunita’y kung paano nakabangon
itong lahing Kapampangan sa malagim na kahapon
ito’y isang pagbubunyi pagdiriwang taun-taon
na magpapatuloy pa sa darating na panahon
ang naganap na trahedya ng Pinatubo eruption
ay malalaman pati ng susunod na hererasyon
7.
Ang ipinamalas ng mga mamamayan ng Pampanga
ay ang kahalagahan ng diwa ng pagkakaisa
ang katatagan ng loob sa pagharap sa problema
nitong mga Kapampangan minsan pang naipakita
ang Mount Pinatubo eruption ay aming ginugunita
dahil aming nalampasan ang malagim na trahedya
