1.
Ding pabrika e la dapat, karing kilub da ring baryu dapat deti marayu la karing tuknangan ding tau anti ring planta ning bakal, ampo pa ring aluminyu pabrika ring liquified gas, antimurin ning aspaltu gagamitan dang kemikal karing karelang pruduktu at ing bubugka rang asuk e mayap at delikadu
2.
Ding pabrikang mesambitla lakwas ding maglaso bakal ing bubugka reting asuk miki-samut nang kalawang sasangapan tamung angin a kekatang pangisnawan ating alikabuk a e tamu mu apapansinan neng sane no rening tau ketang bau a masangsang immune na la king sanganga na ning buluk dang papalwal
3.
Masisira la ring dalan karing mangaragul dang trak lakwas na retang kargadung tone-tonelada king bayat anti namu ing itsura na ngeni ning Arnedo dike mengakulkul yang bala mu pilabakan ding damulag makanian ya naman ngeni itang dalan karin Timac paukyat mismu king kontrol a tulid na ning manabak
4.
Obat peintulutan ding manungkulan kekatamu mitalakad ding pabrikang aluminyu San Isidru? at king Sto. Nino naman ing pabrika ning aspaltu king asuk a papalwal da dakal la ring magreklamu arapat da naman deting Quezon road la ngan magpwestu
a marayung bagya karing tuknangan da ring memaryu
5.
E ta naman tututulang mikarakal lang pabrika
uling karen ding memaryu magsilbi lang mika-obra dapot liban dang agency, ilang makipagkontrata alang maging permanenti pauli na ning sistema ing security of tenure ding taung makipagobra at karelang karapatan e rugu makikilala
6.
Isipan ku makananu lang mipasar DENR?
ding pabrikang karing kilub da ring baryu makabusal? pablasang e makalingad maging karing manungkulan ing epektu ning pulusyun king sasakupan dang lugar mekad ing makaniang bage e ta na dapat pagtakan
lakwas na nung maragul nang alaga ing pisasabian
