‘Tagumpe nang Oca, tagumpe ring malda’

    500
    0
    SHARE

    Balen ko, dangalan a misusun-susun

    Ing keka binye Na ning Ginung Miniaklung
    Kapamilatan na ning anak mung metung
    A kabilang karing “World Class City Mayor”

    Pablasang iti nang anak mung mesabi
    E mu king Pampanga ya meging mapuri,
    Nune mabilug a yatu balu re iti
    King gelingan ampon tapat pamagsilbi.

    A meging malinis keng pamanungkulan
    Ibat na king iti ikua nang mikalmang
    Miluluk king nanu mang posisyong telan
    Keng gubyernu, angga ngening salukuyan.

    Inya naman ngening iti ya ing mipuk
    Pamuntuk ding anggang Alkalde ring lungsud,
    Ing lagyu nang Oca lalu yang mibantug
    Mabilug a yatu – king apat nang suluk!

    Malino kaustan, maragul a bina
    Ing pamangilala na kang Mayor Oca
    Ning Liga ding Alkaldeng Lungsud ning bansa,
    Nung inyasa’t ya ing pinili ring sabla.

    Ban maging lider da, antining balu ra
    Ing iti atin yang kagiwan talaga
    At subuk nang lubus ing lideratu na
    Keng katapatan at serbisyong pang-masa.

    Inya nanu’t bilang kabalyan nang Oca,
    E ta’ ipag-viva ing mayap nang kalma?
    At ikulyo matni babo ning masala:
    TAGUMPE NANG OCA, TAGUMPE RING MALDA!!!

    LEAVE A REPLY

    Please enter your comment!
    Please enter your name here