Home Opinion Magaral tamung Capampangan (4th of a series)

Magaral tamung Capampangan (4th of a series)

444
0
SHARE

Alipugpug – alicabuc;  Alananti – alang capara
Aslumenus – alang pamiyaliwa, yangya itsura
Asaglap – acalap , atupan, abalitan
Asapung – abangga, asabal

Cute-cute – pate-pate, mabagal kimut
Calacati – panalip balat luyus
Calamucab – malabasan (underwater snake)
Casalipit – caribal;  Merusmia – meliu

Casingkilan pago – cacaluguran, cayabiayan
Casalipit – caribal; casunggalit
Capanalig – cacampi, casangga, catropa
Carampatan – bage a cailangan gawan

Calamungge – malungge; malunggay
Casimpara – calupa, cawangis, cabas
Calapanti – bubug, mebalbal a boti o salamin

Manungdungan – mamasa (read in English)
Mesalampitac – mesalaula, mengaritanan
Melimbato – mecalinguan, mipaburen
Mangaintulid – mangabaldugan

Maindredus – masitsirya, matsismis
Masalacata – masalita, mapamigawa
Mepaldu – mebarug, mebalila
Mesungal – mipacarine (keng sinabi a e tutu)

Mataloti – galgahu, (casebian alang bayag)
Mapangalalu – mapangarirya, seloso, selosa
Melumpawi – mitda, kinupas, mebawas a ningning
Susukilkil – pipilit,  ipagawa, aus ning consensia

Umis – tatsa, mamalatian, bababa pangatau
Macasnuc – macasora, macabuysit
Misumpung – mibangga, menunu. Magsabisabi
Malantung – babaing mahilig, baguc a mabantut

Palpakitua – contrapelu, salangsangeru
Alang busbus a butul – alang pakiramdam
Catumbalas – caparehu, calupa
Macasakit lub – macapanamdaman

Casapacat – casicretu  (keng e mayap)
Mebande – medala; Mebante – meracap
Matas a puluc – mapagmaragul
Calatug pinggan – mataco, lamiran

Alang meyling e ra keylian – mapagsisti
Calipit-lipitan – alang-ala nanu man
Sable bacud – makikiyapus
Metucup – meracap, mebante

Mapangamcam – angcaminan ing keya
Magpursigi – magsicap (minawa bie)
Magpapatatu – magpapasipsip
Mapagmenus – sobra catipid

Meyasdap – me-‘hold up’
Pisaklungan – banding pimamanan
‘Mebie ya i Pugot Negro keka’ –
Magdili-dili, alang catubale.

(Iti, casebian yang matua,
Keng Coriro meyacua ya;
A nung magdili-dili ca
King kecang bie – ing aus da!)

(Atin ya pang casuglung)

LEAVE A REPLY

Please enter your comment!
Please enter your name here