Iwas paputok, iwas pinsala at sunog

    141
    0
    SHARE

    ILANG ARAW na lang ay bagong taon na
    matapos ang araw ng paskong kaysaya,
    at gaya ng dating atin nang nakita,
    marami na naman ang madidisgrasya

    At/o masasaktan sa mga paputok,
    na batid nang walang buting maidudulot
    kundi ng malaking perwisyo at sunog,
    kapagka biglaang ito ay sumabog

    Pero binibili pa rin kahit bawal
    ng nakararaming ika nga’y pasaway,
    lalo nitong mga mapera at sadyang
    sa pag-gasta ay di sanay manghinayang.

    Taon-taon na lang di mabilang halos
    ang nasabugan ng bawal na paputok,
    subalit di man lang tinablan ng takot
    itong iba upang tumigil ng lubos

    Sa nakasanayan nilang pagtatapon
    ng salapi tuwing magbabagong taon
    bagama’t batid na natin ang ganitong
    pagpapaputok ng mga rebentador

    Ay walang maaring posibleng hantungan
    kundi ng disgrasya’t mga malulubhang
    pinsala na puede nilang ikamatay
    kapag tigas ng ulo ang umiral.

    Tulad na lang nitong halos ay madurog
    ang kanilang kamay sa biglang pagsabog
    ng ‘pla-pla’ at iba pang uri ng ‘fireworks’
    na animo’y bomga kapagka sumabog.

    At kung saan kapag ya’y minalas-malas
    Ay di lang sarili ang mapapahamak,
    Kundi pati na rin d’yan ang propriedad
    Nitong nadamay sa isang komunidad.

    Kaya naman hayan, ilang biktima na
    ng ganyang klase ng paputok sa tuwina
    itong naputulan ng daliri nila,
    kundi man ng buong kamay nitong iba?

    Na kung saan dulot nito’y pagsisisi
    At panghihinayang na lang bandang huli
    Ang mararamdaman mismo sa sarili
    Nitong sa sunog ay naging ugat pati.

    Kaya nga’t kung tayo itong tatanungin
    hinggil sa ganyan ay mas makabubuting
    ang mga pabrika ng ‘fireworks’ marahil
    itong marapat na ipasara natin.

    Sanhi na rin nitong anhin mang bawalan
    ng ating gobyerno ang may pagawaan
    nitong iba’t-ibang klaseng paputok d’yan,
    sila’y patuloy pa ring gumagawa n’yan

    ng pinagbabawal na klaseng paputok,
    bagama’t mahigpit na pinag-uutos
    ng pamahalaan itong mga ‘fireworks’
    na mapaminsala at mitsa ng sunog.

    Gaya halimbawa nitong kamakailan
    ay nangyari d’yan sa parte ng Bulakan,
    ilang mag-anak ang biglang nangamatay
    sanhi ng pagsabog ng pinapasukan?

    Kaya kung talagang ang ating gobyerno
    ay seryoso hinggil sa bagay na ito,
    bakit hindi itong proprietor n’yan mismo
    ang hulihin para magtanda ng husto?

    At matuto silang sundin ang marapat
    na nasasaad sa panuntunang batas
    upang ang balana’y manatiling ligtas
    sa ikapahamak sa lahat ng oras!

    LEAVE A REPLY

    Please enter your comment!
    Please enter your name here