Home Opinion Ing Sekretarya nang Fred

Ing Sekretarya nang Fred

122
0
SHARE

I FRED uling mayna ya keng mathematics
At e sane pamagkwentang mangabilis,
Uli niti, agad neng pekidwang pilit
Ing sekretarya na king ‘accounting office’

At ban kanu ngana agad nang mayari
Ing nandin na pa nyan e ayari-ayari,
A keyang kukuwentan, ing nu’ anti sukli
Ibie na dapat king maluat da nang suki.

Karing pemayad nang adwang manager’s check
A kantidad eksaktung atlung milyones,
King suma total a mekwang materyales,
Pati nung magkanu ing mibie ‘percentage’

A maging komisyun ding peka-ahenti
Basi king amanwan da reting SOP,
Inya naman lalu yang disididu iti
Keng kakukwenta king calculator niti.

Malagua’t salita ing keta na depat
Ban iti e nya mu pin makurta utak,
Ing sekretarya na at peka-accountant
Yanang pekiduang na niting agad-agad.

“Sir nanu pu ita?” nganing Sekretarya
“Mekeni atin kung ipakwenta keka”
“Okey sir, ding figures kaku dikta yu la,
Ba’ku pung malagwang aibie ing kwenta”

“If I give you P3M less 17 percent,
How much would you take off and cash balancecan get?”
“Ay tuto?” ngana ning sekretarya nang Fred,
“Everything sir: My bra, my panty and my dress!”

(Ninu mo pin naman ing e galigatsu
A sekretarya ken at tiktak kalagu
Ing keng boss na niti, ing kusa neng yandu
Ing malumuk-lumuk nang maputing salu?

Inya naman, oyan ing eganagana
Makasadya na’ngang king boss na ibira;
Yan ing agagawa king tau ning kualta,
Inya ika Abe, magpakasipag ka.

King ba’mung atakman ing bie anti kanyan
Mika-sekretaryang e mu mistil sabyan
Tumerak yang alang saplut a katawan,
Gawan na king ba’yang dagul panakitan!

Iti, metung ya’mung makuyad a sisti
King bie ring aliwa, pero e king deti
Umisan ta’la ren o bababa puri,
Nun’e kekatamu kwenta biru mu iti!)

LEAVE A REPLY

Please enter your comment!
Please enter your name here