Ing anino lubas

    94
    0
    SHARE

    NENG PAGUMASDAN keng
    Malale kukuldas ibat king katasan,
    Ing malare Aldo
    A keta ume nang king bunduk magpampan,
    King ulilang bili,
    A makaba na ring bina ing biltangan,
    Anti kung akakit,
    King mapusyo aslag niti ing katutuan,
    A ing aku pala
    Ati’na ku dane kagatpanapunan,
    Ning bie kung linipas,
    A’yalang malino bakas nang melakuan;

    Pablasang kanitang
    Kasiknang-siknangan ding adua kung takde,
    E ko’ inatyat man
    King ikakayap na ning beluan kung tagle;
    Nu’ne lipat niti,
    Migpakasoso ku king mialiwang bage,
    At kelinguan pati,
    Ing Dios a sukat kung suywan masalese;
    Inya ing disan ku,
    Kaibat ning makabang kakung pamaglakbe,
    Anino yang lubas,
    A e ku malyaring pagmaragul king bie!!!

    LEAVE A REPLY

    Please enter your comment!
    Please enter your name here