Ing masiri keng baldugan

    119
    0
    SHARE

    TABALU nung bakit,
    Misan ating taung milabas ya bisyu,
    King kayang pamisip,
    Ala neng intindyan kapara nang tau;
    King agyang masulit
    Ing metung a bage kapintas nang ustu,
    Yan ta’na pipilit
    Panugalyan itang e patas at palsu.

    Keng baldugan kasi,
    Bisa ka’t e bisa kabud menutang ka,
    King kinwa mung iti
    Karas ning tipan mu, singilan da na ka;
    Inya nung e pilmi,
    Ing atin kang balung pamayad mu kaya,
    King kekang sarili,
    Ikang munang dapat munye disiplina.

    Uling nung mapus ka,
    King meging bisyu nang Kumpari mung Teban,
    Angga mu king ika,
    Karing mamye ‘fi ve-six’ e mako utang;
    Ninanu mo keta,
    Nung purus mang laun ing kekang imalan,
    Nung sumangid nita,
    Alang tulid-tulid king arapa mung awang?

    Karas keng anti yan,
    King agyang ditak mu ing pisabing baldug,
    Masulit mu naman
    Nung ala kang balung pilming panaratus;
    At ing metung na pang
    E masanting niti, daragul ka gastus,
    Uling keng baldugan,
    Ing maging patung na matas pa keng bunduk!!!

    LEAVE A REPLY

    Please enter your comment!
    Please enter your name here