1.
Ing lugud cacu ya waring apibalac
king saya e dapat, sasane ing anac
nung king alumon nang tula ya miyanad
e miratun isip paniatang ning bukas
2.
Pablasang ing yatu, carinan yang lugmâ
Inia’ìng tetagan lub, marapat yang binâ
e sane mibata, melayo king tulâ
king sangil ning sakit, ta nu misucmamâ?
3.
Ing taung king aru’t, ligaya mipalpal
maina la pusu, at mapanamdaman
isipan da pamu, ing sigwang paratang
king bie ra, e ra na, agyu mang pibatan
4
Tanaman ya waring, mabibie king danum
nung e mitugtugan, malanat ya bulung
king ditac mung pali, ta ya mangayungcung
a cabas ning pusung, king tula migmalun
5.
Casakitang ditac, ne cabayat dalan
uling ding pusu ra, ala lang tetagan
king balang penandit, keti king sicluban
ing tau atin yang, sucat a pagdusan
6.
Ding mengapalayo, menasa ring lubas
king diwa’t pamisip, at king pamaniasat
masalpac a bunga, ning e ustung lingap
lunus ning pengari, king irug nang anac
7.
King aus a bungsu, at lisyang pacamal
dewaca’ning anac, carin ya durucal
mecad ding aliwa, ken mung capabayan
ding dapat miturung, pengaring lamaran…”
