Pagkatapos ng Party Pilipinas, lumipad si Bea Binene at Mommy Carina para sa isang bakasyon sa Hong Kong at Mainland China.
One week na magbabakasyon si Bea na matagal na niyang inaasam-asam dahil sa sunud-sunod na tapings sa magkakasunod na assignments sa GMA 7.
Parehong natapos na kasi ang Tween Hearts at Alice Bungisngis. Tanging Good News at Party Pilipinas ang kanyang programa ngayon.
Pero, sa buwan ng July, papasok na si Bea sa Luna Blanca. Lalabas siyang teenager na Luna. Kahit papaitimin ang buong katawan ni Bea, wala siyang pakialam.
Nakapagti-taping nga siya sa tambakan ng basura. Hilig ni Bea ang pag-aartista kaya kahit anong role ay gagawin niya.
Sa pagbalik ni Bea sa Manila, gusto naman niyang sumabak sa scuba diving. Malamang sa Batangas niya ito gagawin.
