Salamat, bistaman matauli nang bina,
Ining Jamby mekatagal ya pang bagya
Karening akasyang pepapate kusa
Dening ala na’tang masabal bitasa;
King ikakayap na ning kapaligiran
Ampon katutubu tamung pilisunan,
Nung inyasa’t y Senadora Madrigal
Deti penikuanan na la pang atagal!
Mupin baket rugu nung kapilan alus
Migit lang mepitna king kalunus-lunus
A kabilian deti karin ya pu linsut
Y Senadora ban kekata sumaup,
King pamipatuknang karening kriminal
Ning likas tang’ bandi at kapaligiran,
Keng pamangutud da karening tanaman
A e sukat basta kabud namu ibual!
Kimut la rin pala obat e pa inyang
Bayu mipatupad ing kapaintulutan
A binye ning Kalihim ning DENR,
King DPWH ban mesagka yan?
Oyan ing e ustu karing aliwa ken
A sukat aligan tang’ opisyal balen,
Nung kapilan ta’la rugu kailangan den
Karin la e lalsut nanan mo’mang lawen.
Maklak la karas keng problema ning masa
At e mo’akapkap ding dakal karela;
Pero neng panahun ning pamangampanya
Sumawa ka karen keng kapupunta ra.
Oneng antimo pin ning milyaring iti
A nung kapilan pin digpan no’ning pisti
At alus megisan ding akasyang deti
Karin ya sakoru y Senator Jamby,
Pilan la pa kayang kalulung pundutung
Ding dasan nang mabie, at e na palumpung
Ing atyu gilid ning dalan, lele kulkul
A nung nu’ro binual deti balang metung?
Makanian man, anti ning yan milyari na
At e ta’na akuang ibalik ing bie ra,
Pasalamatan ta’na king Senadora
Ing intensyon na niting makasaup ya!
Mupin, sana e mu kabud kapangakuan
Ing sinabi niting ipasisyasat na yan
At pigilan iting alang pakundangan
A pamangatud da karening tanaman;
A makasaup ban luminis ing angin
At makabawas king ngeni ‘global warming;’
Inyasa’t nung iti e ta’ dinan pansin,
Ing sumisi bandang tauli ita’murin!
Nanung ulaga na nanu mang progresu
A nasang isulung ken ding gugubyernu,
Nung sumangid niti ing bie tamu mismu
Ing makayambi king tiak a peligru?
Bisa ta’t e bisa kabud yang mekalbu
Kareting pundutung ing karinan tamu,
Puera mu king e Na itulut ning Ginu,
Keti pa misalab ta’na king impyernu!
Ining Jamby mekatagal ya pang bagya
Karening akasyang pepapate kusa
Dening ala na’tang masabal bitasa;
King ikakayap na ning kapaligiran
Ampon katutubu tamung pilisunan,
Nung inyasa’t y Senadora Madrigal
Deti penikuanan na la pang atagal!
Mupin baket rugu nung kapilan alus
Migit lang mepitna king kalunus-lunus
A kabilian deti karin ya pu linsut
Y Senadora ban kekata sumaup,
King pamipatuknang karening kriminal
Ning likas tang’ bandi at kapaligiran,
Keng pamangutud da karening tanaman
A e sukat basta kabud namu ibual!
Kimut la rin pala obat e pa inyang
Bayu mipatupad ing kapaintulutan
A binye ning Kalihim ning DENR,
King DPWH ban mesagka yan?
Oyan ing e ustu karing aliwa ken
A sukat aligan tang’ opisyal balen,
Nung kapilan ta’la rugu kailangan den
Karin la e lalsut nanan mo’mang lawen.
Maklak la karas keng problema ning masa
At e mo’akapkap ding dakal karela;
Pero neng panahun ning pamangampanya
Sumawa ka karen keng kapupunta ra.
Oneng antimo pin ning milyaring iti
A nung kapilan pin digpan no’ning pisti
At alus megisan ding akasyang deti
Karin ya sakoru y Senator Jamby,
Pilan la pa kayang kalulung pundutung
Ding dasan nang mabie, at e na palumpung
Ing atyu gilid ning dalan, lele kulkul
A nung nu’ro binual deti balang metung?
Makanian man, anti ning yan milyari na
At e ta’na akuang ibalik ing bie ra,
Pasalamatan ta’na king Senadora
Ing intensyon na niting makasaup ya!
Mupin, sana e mu kabud kapangakuan
Ing sinabi niting ipasisyasat na yan
At pigilan iting alang pakundangan
A pamangatud da karening tanaman;
A makasaup ban luminis ing angin
At makabawas king ngeni ‘global warming;’
Inyasa’t nung iti e ta’ dinan pansin,
Ing sumisi bandang tauli ita’murin!
Nanung ulaga na nanu mang progresu
A nasang isulung ken ding gugubyernu,
Nung sumangid niti ing bie tamu mismu
Ing makayambi king tiak a peligru?
Bisa ta’t e bisa kabud yang mekalbu
Kareting pundutung ing karinan tamu,
Puera mu king e Na itulut ning Ginu,
Keti pa misalab ta’na king impyernu!
