ANG PAGKA-ARESTO sa Floridablanca
Ng otoridad sa mga nagpanggap na
Mediamen para lang kumita ng pera
Sa paraang nakasanayan na nila
Kung saan ang mga opisyal ng bayan
Itong madalas na nabibiktima n’yan
Sa pamamagitan ng ‘feature article,’
Ads, pagbati at anunsyong-pambayan
Accomplishment reports at iba pang ulat
Na karaniwan nang ito ay sa ‘print ads’
Idinadaan yan upang maihayag
In public ang dapat mabatid ng lahat
Diyan kahit papano medyo kumikita
Ang ibang kasapi talaga sa Media
Sapagkat may legal na komisyon sila
Sa anumang ads na makakalap nila
Para mailathala sa kung anong dyario
O media outfi t yan sadyang konektado;
Na siyang ginagaya sa naturang punto
Ng mga bogus na reporter na ito.
Na kadalasan ay di nalalathala
Sa kadahilanang yan ay di naman nga
Tunay na mediamen at sila ay wala
Din namang dyario r’yan na maglalathala.
Dahilan na rin sa sila’y di talagang
Mga peryodista at konektado yan
Sa kahit na alin pa mang pahayagan
Na ang sirkulasyon nito ay regular
Kundi ang kanila ay para kumita
Sa ganyang paraan at itong tunay na
Mediamen ang siyang sa tingin ng iba
Nating lingkod-bayan itong mukhang pera?
Gaya halimbawa ng napabalitang
Sinabi umano ng isang Bokal diyan
Sa isang Alkaldeng kahahalal pa lang,
Ang aniya’y salitang nanghihingi lang yan?
Nang ito’y pasyalan sa tahanan niya
Ng ilang kasapi sa Media talaga,
Kung saan nang sila ay papaalis na
At magpaalam ay narinig ng isa?
Ang pabulong nitong sinabi kay Mayor
Na umano nga ay nanghihingi lang ‘yon;
Natural lamang na magdaramdam itong
Kung sinu-sino riyang mga pumaroon
Kay Sir na nagbitiw ng ganyang salita
Na tunay naman ding may kirot ika nga;
At maituturing na sampal sa mukha
Ng lahat ang ganyang klaseng upasala!
Sir, matanong kita – gaya sa personal
Na pagkakilala mo sa katauhan
Ni ‘yours truly’ bilang isa ring Mediaman,
Ikaw ba naman ay akin nang hiningan?
Ng ni singkong duling o kusa mo akong
Inabutan man lang nang purihin noon
Ng ‘writer’ na ito sa isa niyang ‘column’
ang iyong pagiging ‘active’ sa Capitol?
O kaya mo lamang nasabi ang ganyan
Ay dahil sa iyong pagkakilala riyan
Sa hanay ng Media sa ‘ting lalawigan
Ay kahalintulad lang nitong naturan?
Na ang I.D. nilang sa leeg nagsabit,
Kung saan katagang“PRESS” ang nakatitik
Ay walang pangimi nilang nagagamit
Para kumita sa di kanaisnais?
