si ‘yours truly’ ay nagsadya ng personal
sa Capitol hinggil sa isang opisyal
na resolusyon ng Mediamen kay ‘Nanay’
O kay Gobernador Lilia G. Pineda,
na ‘Nanay Baby’ rin kung tawagin siya
ng nakararami dito sa Pampanga,
kahit kasing edad lang o matanda na.
Sanhi ng ang turing ni ‘Nanay’ sa lahat
ay walang iniwan sa tunay na anak,
kung kaya sa lahat din naman ng oras
ay maasahan siya ng kanyang ‘kaanak’.
At nang dahil na rin sa puntong naturan,
na malingap siya sa nasasakupan,
ayaw na ayaw niyang napapabayaan
ang ika nga’y higit na nangangailangan.
Partikular na r’yan ang mga maysakit,
kung saan personal nga nating narinig
kay ‘Nanay’ nito lang nakaraang Lunes
Ang ‘pagsabon’ sa ‘ting ilang ‘heads of office’
Sa kung anong hindi agad naisagawa
ng D.O.H. sa isang naka-assign yata,
na asikasuhin pero tumagal nga
dala ng aywan kung ya’y lubhang pabaya.
At nasabi tuloy ng ating butihing
Governor sa isang ‘Emergency Meeting’
na ginanap sa Executive House building,
(At tyempong ang ilang Media naroon din).
Itong siya na raw ang kikilos kumbaga
para mapabilis ang proseso aniya
sa mga papeles at ibang bagay pa
na magagawa ng kanyang opisina.
Ganyan kaseryoso ang ating butihing
si ‘Nanay’ sa opisyal niyang gawain,
kaya pati ang DPWH din
sa isyu ng baha napilit sagutin
Ang tanong kung bakit sa kabila nitong
halos walang hintong on going construction
ng mga drainages, ang baha patuloy
na nananalasa magpahanggang ngayon
Sa sakop ng lungsod nitong San Fernando,
partikular d’yan sa city proper mismo,
sa may intersection at sa Kapitolyo,
liban sa may St. Jude at karatig nito.
Di ko na gaano pang natatandaan
ang paliwanag ng tinanong ni ‘Nanay,’
dahil nangapa rin sa aking palagay
sa kung anong dapat nitong ikatuwiran.
Nang sina Engr. Castro at si Mayor
EdSa ang nahingan nila ng opinyon,
Dredging at pagawa ng ‘water reservoir’
ang posible at epektibong solusyon.
At pagtanggal pati sa nakaharang na
water lily sa ilog, sapa’t iba pa’ng
daanan ng tubig-baha patungo sa
Pau, Sto. Tomas ang suhestyon nila.
Hindi man sa puntong yan ganap na nagtapos
ang pangkagipitang pulong na dinaos
(sa Capitol, sa pangunguna ni Gob)
nagkaisa ang Capitol at ang Lungsod
Nitong San Fernando sa magkatuwang na
pagresolba n’yan sa nasabing problema;
At kung saan lahat ay handang-handa na
para sa lubos at ganap na suporta!
