kung sino sa limang kandidato ngayon
sa pagka-Pangulo ‘comes May 9 election’
ang ninanais kong ipalit kay PNoy.
Upang sa gayon ay siya rin umano
ang ihahalal niya pagsapit ng Mayo;
Dahil mas alam ko ang sabi pa nito
kung sino talaga ang dapat iboto.
Ang katanungan niya ay di ko kaagad
nasagot sapagkat ako’y nagsusulat
nang mga sandaling ako’y kinausap
at itinanong nga kung sino ang dapat.
Ako man sabi ko di ko pa rin alam
kung sino sa lima ang dapat ihalal,
Pagkat bawat isa ay may ‘kahinaan’
na marapat muna nating pag-isipan.
Alphabetically, si Binay ang aking
inuna sa puntong ya’y napakaraming
iba’t-ibang kaso na maituturing,
na ‘graft & corruption’ at ‘money laundering’.
Kung saan kaya lang hindi maisampa
ay dala nitong may ‘immunity’ siya
o di maaring kasuhan kumbaga
habang si Jejomar ay ‘Vice President’ pa.
Kaya sa isyung yan kung may iba rin lang
namang pupuede pa nating pagpilian,
na wala pang bahid dungis ang pangalan,
eh, ba’t si Binay ang ating ihahalal?
Si Mayor Duterte na brusko ang dating,
matapang at walang pangiming magsabing
‘within 3 to 6 months’ kaya niyang baguhin
ang pamahalaan may tsansa marahil.
(Kung saan kagaya ng sa Davao city
ay naging maganda ang patakbo pati
ng madisiplina din nilang Alakalde,
yan sa buong bansa posibleng mangyari).
Kaya lang nang dahil sa lubhang mahigpit
Ang pamalakad niya ay maaring galit
Itong sa ‘illegal’ na aktibidades
Namihasa, kaya’t ilalag pilit.
Si Grace Poe, nasa balag ng alanganin
at walang tiyak na hantungan marahil
ang pagtakbo niya dala ng posibleng
manalo man siya ay di paupuhin
Ng Comelec at/o ng Highest Tribunal,
dala na rin nitong hindi pa rin pinal
ang desisyon hinggil sa pagtakbo bilang
ni Poe sa ‘highest post’ ng pamahalaan.
(Na aywan kung bakit hindi ma-determine
ng Comelec o ng ‘Courts of Justice’ natin
ang isyung yan gayong ya’y matagal na rin
namang sa Comelec yata nakabimbin?)
Si Miriam Santiago… kung ‘qualification’
ding lang ang hanap ng manghahalal ngayon,
pasok ang butihin po nating Senador
kahit sa alin pa mang ‘higher position’.
Kaya lang nang dahil sa nagkasakit siya
at baka lumala pa kaysa nang una,
Manalo man pihong ang maupo’y iba
kaya’t sayang lang ang pagboto sa kanya.
At sa lahat na ay itong si Mar Roxas
sa ganang akin ang pihong mangulelat,
Sanhi na rin nitong sa lahat ng oras,
anino ni PNoy ang siyang mababakas!
