LUNGSOD NG MALOLOS (PIA) — Pormal ng naupo si PCol. Relly Arnedo bilang Acting Police Provincial Director sa Bulacan.
Tinanggap ni Arnedo ang bagong tungkulin at binigyan diin sa buong kapulisan ng Bulacan ang pagpapatuloy ng maigting na kampanya kontra ilegal na droga at paglaban sa terorismo.
Gayundin lalabanan ng kapulisan ang lahat ng uri ng kriminalidad upang mapanatili ang kapayapaan at kaayusan sa lalawigan.
Tiniyak pa nito na patuloy ang pagsasagawa ng “internal cleansing sa kanilang hanay upang mawala ang tinatawag na “bad apples” sa organisasyon.
Buo rin ang kanyang suporta sa peace and security framework ng hepe ng pambansang pulisya na Malasakit, Kaayusan, Kapayapaan at Kaunlaran o MKK=K.
Bago naupo bilang Acting Provincial Director, si Arnedo ay naging hepe ng Regional Investigation Detection and Management Division ng Police Regional Office 1.
