Parul Samfernando

    378
    0
    SHARE

    (Katuglung ning milabas a isyu)

    Inya
    naman oyan e mu keti labuad Pilipinas
    Ding parul ning Samfernando a pikabaluan king bikas,
    Maging keng aliwang bansa deti ikua ra nang miras
    Antimo king Russia ampon aliwa pang lipat dagat.

    A e na kaministilan sabyan ta’pang tunggal-tunggal,
    Pablasang e mu pin karin Amerika ta’ pepabal,
    ‘Giant lantern’ a yausan da nune pati king Ireland;
    Vienna, Austria; Beijing, China; Poland; saka Bangkok, Thailand.

    Banua-banua, king panaun nang pamanungkulan Oca
    Ding meging Festival Chairmen mapapalit la menasa,
    2004 i Mr. Frank de Jesus ing pasimula
    Lalam nang pamangumpas ning bayung lukluk king upaya.

    2005 ‘Giant Lantern Festival’ i Nestor Mangio
    2006 i Architect Joel David a nu’ tamu
    Karin Hawaii mika-display a para king Centenaryu 
    Ning pamag-migrate da keni ding kalupang Pilipinu.

    2007, Boy Pacla ing Chairman na ning Festival,
    At nung nu’ ing ‘first prize winner,’ Barangay Telabastagan;
    At karin king City Hall Grounds ning Austria mi-display neman
    Ing Philippine Christmas Tree ken at Parul a pangawilian.

    2008, for the first time, merapat ken king Robinson
    A nu’ siam la ring mekiabe king milyaring kompetisyun;
    At ing Telabastagan yang sinambut o meging champion,
    King milyaring Festival a dakal lang taung tinagun.

    2009, pasibayu, Robinson murin merapat
    A nung nu’ ring pesilauk ila naman ding milabas;
    At ing barangay San Pedro yang tune meging mapalad,
    Antining ilang minunang diling ginamit fiberglass.

    2010 Giant Lantern Festival & Competition
    A merapat katlung besis antimurin king Robinson,
    I Eddie Chua at Bong Mah ing kanita meging Chairpersons
    At i Mayor Rodriguez ing keta Honorary Person.

    2011 naman o ing peka-tauling dili
    A ‘Giant Lantern Festival’ a merapat ‘in the city,’
    Was headed by Mr. Bong Mah with the help of World Class City
    Mayor Oca at Tess Laus keng masuyung pamagsilbi.

    San Fernando lanterns were made as display at the Cultural
    Center of the Philippine main façade above the main entrance,
    Wherein mayors Lim and Oca joined hands in the ceremonial
    Lighting of the famous PARUL SAMFERNANDU that will signal,
    The start of the Holiday Season, of which is special.

    Para kekatang Kristyanu, at migit king nanu pa mang
    Keti pagmasusian tamu memukud ing kayaldawan,
    Ning kebaitan nang Jesus, nung inya kaugne na n’yan
    Banwa-banwa, iting siyudad a meging Christmas Capital
    Ning mabilug Pilipinas, keti e ra sasalanan
    Ing ligligan ‘giant lantern’ a tutu nang kabalitan.

    LEAVE A REPLY

    Please enter your comment!
    Please enter your name here