CLARK FREEPORT —-Pine-pressure na ng United Nationalist Alliance si Rep. Manny Paqcquiao upang sumama sa senatorial line nito para sa 2016 national elections.
Ito ang pahayag ni Vice President Jejomar Binay sa kanyang meet and greet the press na ginanap sa Fontana Resort dito. Nakangiting sinabi ni Binay na wino-work out na nila sa ngayon ang pagsama ng Pambansang Kamao sa kanilang senatorial slate at may mga pressure na daw na ibinibigay to upang mapatango.
“Masyado nang malakas ang pagpe-pressure sa kanya maging ng kanyang mga kababayan,” ani Binay. Dagdag niya, sa ngayon aypinag-iisipan pa daw ni Pacman ang pagsama sa kanilang listahan ng lalaban na mga senador.
Samantala, kumpirmado naman sina former Manila Mayor Lito Atienza, Sen. Tito Sotto at Valenzuela 1st District Rep. Sherwin Gatchalian bilang kandidatong mga senador sa UNA. Nauna na ding sinabi noon Binay nang dumalaw ito sa Bulacan na pinag-uusapan na rin ang pagsama nina Sen. Serge Osmeña at Sen.
Ralph Recto sa kanilang line up sa 2016. Samantalang, lahat naman daw ay kinikonsidera para maging running mate bilang vice president ni Binay at ang nais daw niya na qualification nito ay ang working vice president at makakatuwang niya sa pamamahala.
