Mesaluput – metucup, alang pilualan/ pitacasan
(alimbawa) ing metung a taung ating gewang
labag keng batas at/o kaya atin yamung pangilagan
a e na buring akit at ala neng sucat pilisunan.
Mesalipit – e la micandayu cabaldugan ning babo
waman atin lang ditac a pamialiwa king tune rang
aske, at atyu mu nung misan caring gagamit keng
amanung mesabi. Malagad na reng gagamit kaniti.
Mengalipit-lipit – mengalulu, megisan a tipun,
micutcut keng utang, mengapisali pibandian.
Mengupeti – misapawan at mebawas a tapang
Melaparis – mepalaris; Mesindac – mebigla
Malumuc-lumuc – catawan a sobra cataba
Mekisulut – alang sariling bale, mekitucnang
mu king capatad, camag-anak at/o aliwang tau.
Melasac – miracma, mibual, mesira.
Mengalamucut – medispormang metung a bage,
a ing sadia niting alcus alang unabis lucut.
Mapangadi – cosiang, dusuldit manalangin.
‘Mataco mata’ – casebian a ing buri na caya ngan.
Mesungal – mebistu, linto ing e tutu paniabian
Mulingid – makiramdam, dinan pansin
Mapangabid – madalas sasambut keng sugal
Malinatnat – sobra kalinis, alang mantsa balat
Mapangabiran – ating kikilingan, mapanecas
Mapamigawa – malaram, mapamalita a e tutu
Marites – tsismosa, dalahira, masyeti
Makitugpa – makisamburi, makyabe
Malare – malutu-lutu aske, balat a mala-rosas
Mipasno – melualas a bili, milako pagal
Makisuyu – makisabing mayap, pasaup
Mangcas – makisake keng saken
Mecad – marahil, magcang, e pihu
Macapaliblib – Lugal a malaut keng cabalenan
Micalu-calu – misasaupan, midadamayan
Maula – maulaga, matimbang, matas a uri
Madacati – madamusac a matulid
Makitalamitan – makyabe keng pisasabian
Makitugpa – makiabe, makicuyug
Mamalbal-malbal – maturac-turac
‘Magdalena’ – yaus da careng babaing
magobra keng pambenging libangan
a meging mababa king mata ring dakal
pasari da ring ken memagtindang laman.
‘Mabinti kung anak’ – yaus da karing anak
a sobra ganaka, mapamintu’t mayap
a panugali ing king gulut at arap
maliaring akit ding keyang acayarap.
‘Malambut a silu’ – meracap keng masanting
a discarte, a nu’ agiang ing malyap a barag
keng silu a inapanan mabuluk a tugak
eca man pin magal cusa yang payracap.
Cayalimbawa ne ing metung a tau
a malaram at mapangawang e ustu,
apanan miyang capatac a pabanglu,
singo yang kinanua caring sininup mu. ~
