LUNGSOD NG CABANATUAN — Isang 32-anyos na lalaki na kadarating lamang ang nakatalo at nabaril ng isa sa mga nag-iinuman sa Barangay Santolan, Palayan City, Nueva Ecija bandang 7:30 ng gabi nitong Sept. 15.
Ayon sa Nueva Ecija Police Provincial Office, kaagad na naaresto ang suspek na kinilala bilang alyas Nano, residente ng Barangay Atate ng naturang lungsod, dahil sa maagap na pagresponde ng pulisya.
“A swift police response, through a hot pursuit operation personally led by Col. Ritchie R. Claravall, provincial director, resulted in the arrest of a suspect following a shooting incident,” ulat ng NEPPO.
Sa imbestigasyon, ang suspek ay nakikipag-inuman sa isang 53-anyos na lalaki sa bahay ng huli nang dumating ang biktima.
“An altercation soon ensued between the victim and the suspect, who drew a .22 firearm and shot the victim in the neck,” anang pulisya.
Sa pangunguna ni Claravall ay kaagad inilunsad ng pulisya ang isang hot pursuit operation na magresulta sa pagkadakip ng suspek.
Ang biktima ay isinugod sa Palayan City Hospital at kalaunan ay inilipat sa Dr. Paulino J. Garcia Memorial Research and Medical Center sa Cabanatuan City para sa tuloy-tuloy na gamutan.
Nahaharap sa kasong frustrated homicide ang suspek, ayon sa pulisya.
“Our message is clear: when a crime is committed, our police will respond, pursue, and act without delay to bring those responsible before the law,” pahayag ni Claravall.
