Home Opinion Kasalpantayanan, mas epektibu nung misan

Kasalpantayanan, mas
epektibu nung misan

202
0
SHARE

I TIAGO pilan neng aldo lagnat-lagnat
Mamanguku ampon e mamako manas;
Nung kanitang aldo ya sadia neng payat,
Lalu ya pang ngening meging butul-balat.

Mialiwa nang uyat, balat, bulung dutung
Ing pemanapal da, linaga’t pepaynum;
Dapot ditak man king panulu rang yatul
Alang mekapaldan keya agyang metung.

Malamang ngara pa ding siping nang bale
Iti menunu ya o ating yang pile,
Antining makiupa yang mamusan pale
Keng kiskisan na ning kasiping nang bale.

At miayaliwa nang bage ing posibling
Asaglap niti keng sobrang sipag na pin.
Nung kanita atyu ne i Covid – 19,
Mekad, limang bulan neng maka-quarantine.

E na la apulung doktor ding sinyasat
King sakit na, iti – e re apakayap,
Pati albularyung tanyag ken Arayat
Pigsaryan da na ban milako ya manas.

Angga na king deti mekabalita la
Ing ating doktor a ibat Amerika,
A kabalitan keng sobrang gelingan na,
Inya yang aisip agad pintalan da.

Deting keka ngana a ireseta ku
Peka masanting la mabilug a yatu,
Inya katlung aldo aisisiguru ku
Ing ika ngara pin anti kang migpelu.

Ing metung uli ning kwenta pangarimla
Abe, ing ulwan na, para keng gulut ya.
At ing kadua uli na ning manguku ka,
Inuman me banting mabaklas ka plema.

Malagua’t salita minuli lang agad
At ing penabilin ning doktor, merapat
Ing metung, king gulut ne’yti pekapakat
At pilit inalduk ing inuman dapat.

King sobrang tula na ampon kakusuelu,
E ne menaya pang katlung aldo’y Tiago;
Kabukasan murin king doktor atilu,
At ngarang kaya ren masayang migkwentu:

“Kagaling yu palang manulu talaga,
Ot agiang ala keng seli keng botika,
Mipaldan ku” – “o  nang’ penulu” mu ngana,
“E mu pala seli ing maka-reseta?”

“Ing penabilin yu yamung kakung tikian:
Ing metung king gulut ke’ pu pepatapal,
At ing kadua doktor ininum ku neman
Kaibat keng linaso keng basu denuman

SHARE
Previous articleGifted to give
Next articleFiber benefits

LEAVE A REPLY

Please enter your comment!
Please enter your name here