Home Opinion Insanu kaya karening lima,ing e tuktuk mang balandara?

Insanu kaya karening lima,
ing e tuktuk mang balandara?

805
0
SHARE

Karing lima ngeni, king balen San Simon
Pilulutluan de ing ‘single position,’
Ayala’t aliwa nune’yng maging mayor;
Malamang  sumambut ya i ‘vice mayor’ Wong?

King kasangkanan a yang kwenta ‘incumbent
Mayor’ king uli ning i J.P. ‘suspended’
Ya ‘as sitting mayor and there’s another case
In Manila, of which has not been resolve yet’.

A mangabaldugan angga’t iting kasu
Nang mayor Punsalan e ‘mi- dismissed, ’pihu
Yang e mipabilang  karing mipambunu,
Keng a’nuebe ya ing bulan na ning Mayo.

At agyang marahil akabiusan nitib
Ing aduang dalum a laban pin kang J.P.,
Ukulan tamung ya ibotu re pa’yti
Ding manwalang korap ya ing taung ini?

I Joel Gutierrez yang bali pang-adua
Katuki nang madam agpang keng balita;
Mupin e malaut sapawan neng bigla
Ning JVG nung yan e kimut bitasa.

Antining sasapnwan da nia mu i madam
At e ya milakad nung e ria mu tayran;
Iti ing peka-maragul a sangkan,
Nung bakit ya e ne kanu dapat tagal?

I Keko Almario, keng ‘survey’ pangatlu
Ya karing ngara ken makalugkug lagyu,
Mupin king uli ning kulang ya pamatu
Magkang e misadsad at kian nya mipaku.

At ating sasabing pang-‘vice mayor’ ya’yti
Nung nu’ ya eksperto at tune masilbi
Karing kabalen tang’ e pigkaytan niti
King keyang kasaupan a kailangan deti.

I Bong Garcia, manuk na ning San Isidro,
Dela Paz at saka ring aduang San Pablo,
Nung den i Bong e re bitbitan – siguru
Yang king kalalaman mag-nomiru uno.

Sangkan a nung bakit malati ing tsansa
A mangibabo ya at sambutan na la
Ding anti ri Jojo, ‘vice mayor Wong,’ saka
I Keko Almario, ampo’y J.P. ngara.

Iti, king uli ning ngeni ya pa mupin
Linto lagyu keti at e panugaling
Pulitiku ing keya malagung apansin,
Pagkasakitan na ing mangibabo pin.

Nanu pata, karing keng bulan ning Mayo
Milaban ken banting maging mayor tamu,
‘May the best candidate’ ing ken asabi ku
Ing sana sumambut at lukluk king tronu;

Ning upaya, at yan e lunto pabayat
King balayan tamung misan meging pugad
Ding gerero ampon ampon matapang nang anak
Ning balen San Simon, laban king e mayap!

(Luid ka balayan a kakung sintungan
Manibat king aku keti ku mipalpal,
At tinuring mu kung ngara pin manuyang
King sagradung lagyu ning banal a kasal.

A miyaptas kekaming Milagros Tayag
Viray ning Salusu – at keti misapwak
Ding syam a pigkalub ning king Banwang Matas,
A mapamintu at malugud ming anak!)

LEAVE A REPLY

Please enter your comment!
Please enter your name here