Home Opinion Ing ‘Poor Boy’ ning Lubao

Ing ‘Poor Boy’ ning Lubao

241
0
SHARE

(Kaugne ning pamipaganaka king pang-dinalan at siyam (109) a banua nang Aldo Kebaitan keng abeinte otso (28) ya iting Setyembre, ning mapuri at kagalang-galang a meging Pamuntuk na ning  Pilipinas, DIOSDADO P. MACAPAGAL, iting poesia inggil king bie nang delanan, a kipmuan gintung aral a sukat tularan, ya pamung ipalualmi para king malugud yung pamanungdungan).


BULAN ning Setyembre,
Caduang pulu’t walung aldo king bilang na,
Banua ning Mengabus,
Libu siam a ralan, apulu ing petsa;
Carin San Nicolas
Ning balayan Lubao macalmang linto ya
Lalam nang bubungan
Ning metung a dampang meging carinan da
Ding pamilyang PANGAN
Ampon MACAPAGAL king panaun a ita,
Iting parangalan
A meging mapuring Anak ning Pampanga.

Ibat king malati
King bie cacaluluan carin na miyanad,
Dela nang meragul
Itang cababan lub, ganaca at sipag;
Ing cacaluluan da
E meging sumbagal king cayang paninap
Uli ning matibe
Capagnasan niting magyari yang ganap;
Ing bengi gewa neng
Aldo, at ing oras nang paynawa dapat
Pegobra na banting
King para gastus na makasaup ditak.

Nanu pamialiwa
Ing meging papil na keti Capampangan
Baket anti ta’yang
Idolo mo wari king bie nang delanan?
Balen, e mu bucud
Dai re ring Watas king Amanung Sisuan,
Meging matibe neng
Pundasyun mu naman niting lalawigan;
At ketang panaun
A metung ya karing kekatang Congressman,
Penicuanan niti
Ing asuywan na ca king keyang cagiwan.

E mu pilan ucdung
Menungculan ya’yti carin king Congresu,
At metung ya naman
Caring dacal diling asaupan a tau;
Dapot misan mu man
E na gewang punan iti king gubyernu
Banting micualta ya
O gumamal banding ibat king e ustu;
King mipmung tetagan
Ampon calinisan ning keyang prinsipyu,
Pepakit na niti
At gimpanan mayap ing pamagserbisyu.

At agiang canitang
Ya nang matas diling opisyal ning bansa,
King tungculan niti,
Ala yang depat a pamagsamantala;
Catapatan murin
Ampon tetagan lub itang migdatila
Busal ning pusu nang
Alang nanu pa mang keca pamagcunwa;
Capilan man Balen
Caring para keca e ya migpasasa
Nune lalu ya pang
Migsicap canita king ba’cang minawa.

(Atin yang kasuglung)

LEAVE A REPLY

Please enter your comment!
Please enter your name here