Itong pagnanais ni Mayor Pamintuan
ng Angeles city na mapaganda niyan
at malinis pati ang kapaligiran
ng siyudad na kanyang pinamumunuan
Ay tinututukan ng husto ni Mayor
ang napasimulan niyang ‘beautification’
sa ‘heritage district’ ng parteng Poblacion,
partikular na riyan ang Pamintuan Mansion
Na ayon kay EdPam, itong ay gagawing
“National Museum” na di lamang marahil
higit pa sa gara ng pambansa nating
Museo ang ganda nitong tataglayin
Kapagka’ ito ay naayos nang ganap,
pagkat lahat na ng mga makakalap
na makasaysayang bagay o ‘artifacts’
ay posibleng dito natin mamamalas.
Dahilan na rin sa ang mansion naturan
ay talaga naman ding makasaysayan
kumpara sa iba pa nating minanang
mga istraktura’t kulturang pambayan
At ang “National Historical Commission”
(Katuwang ang ating World Class City Mayor)
is now transforming our historic mansion
into a beautiful and productive museum
Expected to attract from 5 to 10 thousand
visitors or tourists, local and national;
na tinatayang sa museong naturan
daragsa sa loob lang ng bawat buwan.
Kasama ang ‘green park’ nilang tinatawag
na Plaza Angel sa ninanais agad
maipatapos ng butihing city Dad
bago sumapit ang APEC Summit sa Clark.
Sa ‘monthly regular conference’ ni Mayor
‘with the local media’ ay personal nitong
inatasan si City Engineer Dizon,
na i-bulldozer ang poste ng Telecom
Sa di pag-comply sa utos ng City Hall
na tanggalin nyan ang mga poste nitong
sagabal sa ‘on-going beautification’
ng lungsod, ‘despite of formal demands made for’.
Tama rin naman ang balak ng Alkalde
na sabihan itong may bakanteng lote
sa siyudad na gawing ‘productive’ nyan pati
ang kanilang lupa hangga’t maaari
Kundi ang city hall na itong gagawa
ng kaparaanan upang mapasigla
at maging makabuluhan ika nga
ang alin mang ngayon ay ‘idle’ na lupa
Na sakop ng siyudad, partikular itong
nakaloob sa pinaka-Poblacion
o ‘heritage district’ na isinusulong
na maging kakaiba dito sa 3rd Region
Ni Mayor Pamintuan na isa sa ating
pinakamasipag at aktibo manding
‘local executive’ na maituturing
nating ‘the best’ sa pag-ganap ng tungkulin.
Na ang lahat na ng kayang ipaglingkod
para sa kabalen at mga ka-lungsod
ay ginagawa nyan ng taos sa loob
at ng walang ano pa mang pag-iimbot
Na pangsarili niya sa posisyong tangan
kundi ng malinis na panunungkulan
na laang sa siyudad ipagsilbing tunay
sa lahat ng oras – bilang ‘public servant’!
