Ayon kay Derrick, aksidente lamang umano silang nagkita sa Subic ni Maine. Kasama ni Derrick ang kanyang mga kaibigan nang makita niya ang isang taga-Eat Bulaga na nagsabi na kasama nito si Maine. Since magkakilala naman sina Derrick at Maine, sandali niya itong nilapitan at bumeso siya sa ka-loveteam ni Alden Richards at tumagal lamang umano ng 20 seconds ang kanilang pag-uusap.
Ang simpleng batian at aksidenteng pagkikita nina Derrick at Maine sa Subic ay nalagyan na kaagad ng conclusion at judgement ng ibang tao kaya ganoon na lamang ang galit ng AlDub Nation sa bestfriend at bagong ka-loveteam ni Bea Binene na inaakusahang epal at user. Ayon na rin ay Derrick, he is also a fan ng AlDub loveteam at nirerespeto niya ang tambalan nina Alden Richards at Maine. Pero hindi rin niya ikinakaila na crush at nagagandahan siya kay Maine. Gayunman,o hindi umano siya nanliligaw rito tulad ng mga lumalabas sa balita.
Ngayong nagsalita na si Derrick para klaruhin at depensahan ang sarili, mapapanatag na marahil si Alden at maging ang AlDub Nation sa mga naglabasang balita linking him to Maine.
Pinabulaanan din ni Derrick ang balita na pinagbawalan umano siya ng GMA na ma-link kay Maine para mapangalagaan ang tambalan nila ni Bea Binene.
Samantala, hindi naman apektado si Bea sa mga naglalabasang balita tungkol kina Derrick at Maine dahil alam umano niya ang totoo dahil mag-best friend sila ni Derrick at open umano sila sa isa’t isa pagdating sa kanilang mga pribadong buhay.
