Di ko ninanais sabihing gimmick lang
Ng isang kandidatong para Congressman
Ang siya’y may ‘death threat’ pagkat baka naman
Ito’y nagsasabi ng katotohanan.
Pero kahit pa man totoong may banta
Ang dati’y kasangga ng supling ng Baba,
Syempre iba’t-iba r’yan ang haka-haka
Nitong sa isyu ay di naniniwala.
Lalo’t itong magagaling kumilatis
Sa kalakaran ng maruming politics,
Pagkat ang ganitong bagay na nabanggit
Ay karaniwan na nating naririnig.
Dahilan na rin sa madaling sabihin
Ninuman ang siya ay balak patayin
Sa pamamagitan na rin ng sariling
Pamamaraan o gustong palitawin.
Gumawa ka lang ng sulat pagbabanta
At lakipan mo ng bala at/o kaya
Ng itim na bagayay maniniwala
Na ang iyong mga kaututang-dila.
Subalit sa panig ng katunggali n’yan
Iisa ang bukod tanging kasagutan,
Na ang naturan ay gawa-gawa lamang
Nitong isa para ang mata ng bayan
Ay sa kanya lubos mabaling kumbaga
Upang manapa ay kaawaan siya
At ang suporta ng marami’y sa kanya
Pumisan sa puntong argabyado siya?
Dangan nga lang hindi garantya ang ganyan
Para makuha ang damdamin ng bayan,
Dala na rin nitong marami na riyan
Ang mulat sa iba’t-ibang pamaraan
Para palabasin na sila ay nasa
Panganib kung kaya kailangan talaga
Nila ang sapat na ‘bodyguard’ anila
Sa kapanahunan ng pangangampanya.
Kaya lang, sa panig naman ng kalaban
Ay di maganda ang epekto kung minsan
Ng ganitong para ka lang sumikat diyan,
Ikaw ay gumawa ng kababalaghan!
Pagkat di malayong ikawrin ang una
Na maaring pagbintangan nitong isa,
Bunsod syemprel nitong wala namang iba
Namaaringpag-isipan ng lahat na.
D’yan posibleng magkasala ng malaki
Ang ating congressman sa ‘civil society’
Kapag di naging maingat sa pagsabi,
O ang hinalain ang ngayo’y Alkalde
Ng kilalang lungsod ang puedeng umakda
Ng ganitong klase r’yan ng pagbabanta,
Dahilan na rin sa napakadakila
At napakabuti niya para gumawa
Ng ganito para lang nito talunin
At ibaba yan sa hawak na tungkulin
Dala na rin nitong sa taglay na galing,
Ay marami siyang maaring marating
Liban sa dati na niyang hinawakan,
Ay may mapaglagyan s’ya sa Malakanyang;
Kaya imposibleng para manalo lang
Ay takutin nito ang kanyang kalaban!
