ANONG karapatan mayrun itong dating
Barangay Treasurer upang kanyang gawin
ang paghabla nito ng ‘electioneering’
laban dito sa isang ‘Barangay Chair’ pa rin?
Gayong hindi naman siya kumandidato
bilang Kapitana o kagawad dito,
kung kaya maliban sa pamemerwisyo
ano ang posible pa nitong motibo?
Kundi ng marahil ay paghihiganti
kay Kapitana sa pagkasibak pati
ng taong ito sa opisyal niyang ‘duty’
bilang Ingat-yaman sa madaling sabi.
Di malayong ito’y inudyukan lamang
ng kung sino para si Kap ay kasuhan
ng ‘vote buying’ base sa isinampa n’yang
‘complaint/affi davit’ sa maling tanggapan.
Kung saan imbes sa ‘regular trial court’
nitong munisipyo na nakasasakop
isampa ang kaso, mali ang pinasok
ng dating ‘treasurer’ na nagkukumahog.
Dahilan na rin sa ‘out of jurisdiction’
umano nitong ‘Commission on Election’
ang ‘nature’ ng kaso kaya nadismis ‘yon,
base sa nakalap nating impormasyon.
Okey lang sana kung basta ganoon lang
at itong isa ay di na gagawa riyan
ng anumang aksyon para maresbakan
ang noon ay kanyang ‘confi dant’ pa bilang.
Pero nang dahil sa ginawang paghabla
nitong dating Treasurer ni Kapitana,
(na posibleng sulsol lamang nitong iba),
siya ang tiyak na magkakaproblema.
Sapagkat kasunod ng pagkaka-dismissed
ng asuntong lubhang salat sa matuwid,
ay kasong ‘perjury’ at saka ‘civil case’
itong nakatakdang sa Korte i-submit
Ng punong barangay laban sa taong yan
kasama pati na itong iba pa riyan,
na nagsulsol upang si Kap ay sampahan
ng kasong salat sa legal na batayan.
Pagkat kung totoo na nagka- ‘vote buying’
at ya’y tunay naman ding ‘electioneering,’
bakit kung kailan ang opisyal na taning
para isampa yan di nagawang gawin?
(Kung saan ayon sa pagka-alam natin
yan ay pupuede lamang isampa ‘within
ten days’ pagkatapos ng ‘final canvassing
of votes’ ng Comelec – kaya paso na rin.
At itong ‘complainant’ ay wala rin namang
legal capacity para isulong niyan
ang kahit na anong kasong panghalalan,
pagkat ni hindi nga kumandidato yan
Bunsod n’yan posible ring namimiligro
na masampahan ng karampatang kaso
si “Treas” sa Hukuman kapagka ginusto
ng Punong Barangay na makulong ito
At papagbayarin ng ‘moral damages,
kasama pati na ang mga ‘witnesses’
sanhi ng kanilang isinampang ‘complaint,’
na direkta nating masasabing ‘baseless,’
At ang sukli n’yan sa dating Ingat-yaman,
na ngayo’y kasangga na ng nakalaban
ay di masasabing maliit na bagay
kung siya’y walang tulong na maaasahan.
Yan ang masaklap na posibleng ibunga
ng mapagpakinig sa sulsol ng iba;
Pasasaan ba at tutulungan siya
ng mga yan kapag natuloy ang habla!
