1.
Kapag mahirap ang tao at mayroong ARREST WARRANT
napakadaling MATUNTON at nahuhuli kaagad
di katulad ng mayaman kayhirap ng MAHAGILAP
kung hindi man nagtatago nakalabas na ng PINAS
lalo kung NO BAIL ang kaso sila ay hindi papayag
na MADAKIP at sa rehas na bakal ay maghihimas
2.
Bakit nga ba PAKUKULONG mga taong mayayaman
kung mayroong abogadong de KAMPANILYA nga naman
at paano mahuhuli kung sila ay TUTURUAN
ng kanilang LEGAL COUNSEL na sila’y mangibang bayan
di ba OBSTRUCTION OF JUSTICE ang ganyang pamamaraan?
na kung pakaiisipin ay dapat na MAKASUHAN
3.
Ang ilan sa abogado basta sa ngalan ng PERA
lahat yata ay gagawin MAIPAGTANGGOL lang nila
mga taong MASALAPI upang sila’y di magdusa
sa loob ng bilangguan kahit may PAGKAKASALA
ITUTUWID ang baluktot mapawalan lang ng sala
ang dapat sanang MANAGOT na kliyentang inihabla
4.
Samantalang ang mahirap dahil sa yaman ay salat
kusang loob na susuko sa alagad nitong batas
wala ring VIP treatment na kanilang natatanggap
at pusakal na kriminal ang mga nakakaharap
di tulad sa mayayaman kahit kaso ay mabigat
may mga SPECIAL TREATMENT sa kanila ang prison guard
5.
Sa ilalim nitong BATAS kailangan ang akusado
mayaman man o mahirap dapat harapin ang KASO
lalo at may VALID WARRANT na nanggaling sa husgado
kliyente ng legal counsel ay dapat na MAARESTO
sa ating saligang batas ay KAWALAN NG RESPETO
kung ang mga LUMALABAG mismong mga abogado
6.
Sa RULE OF LAW kapagka ang akusado’y di mahanap
at PINAYUHAN ng kanyang abogado na tumakas
ay nagiging PUGANTE na at ang kaso’y bumibigat
o ASCONDING in avoiding na maihain ang warrant
di ba dapat abogado ang ipalit at ISALPAK
sa kulungan lalo na kung ginagago na ang batas?
7.
Ang tunay na KATARUNGAN kailanman di mananaig
kung laging NABABALUKTOT mga bagay na matuwid
kung ang PIRING ng hustisya ay hindi na nakatakip
itong timbangan ng batas ay maaring TUMAGILID
kapag ang nasa KATWIRAN at tinig ng maliliit
ay di na pinakikinggan ito’y magiging JUST TIIS
