1.
Magkaiba ng pananaw itong mga mamamayan
hinggil sa insidente ng pamamaril sa Tacloban
mayrong mga nagsasabing hindi dapat makasuhan
ang dalawang estudyanteng namaril sa paaralan
dahil menor de edad daw ang nasabing kabataan
kaya sa kasong kriminal ay di pa pwedeng sampahan
2.
dahil sa juvenile justice and welfare act ay di dapat
makasuhan ng kriminal ang mga menor de edad
edad kinse anyos pababa di raw lubos na talastas
ng kanilang pag-iisip iligal na aktibidad
dahil dito sila’y walang pananagutan sa batas
kahit ang pagkakasala nila ay ubod ng bigat
3.
At sa halip na ang batang nagkasala ay ikulong
sila’y isasailalim lang muna sa interbensiyon
paraan daw ito upang bigyan ng pagkakataon
na magbago at ang buhay magkaroon ng direksiyon
paano kung di magbago sa paglipas ng panahon
lalo na kung ang bata ay likas ang pagka-simaron?
4.
Tila ang batas na akda ni Senador Pangilinan
naging sandigan ng batang may likas na kasamaan
imposible na ang batang labinglimang taong gulang
kulang pa sa pang-unawa ang kanilang kaisipan
lalo ngayon na mataas ang antas ng karunungan
ng bata kung ihahambing sa panahon na nagdaan
5.
Sa panahon natin ngayon kung ikaw ay mapagmasid
ay nagkalat sa lansangan yaong mga batang paslit
sapagkat ang sindikato ay sila ang ginagamit
upang isakatuparan ang criminal activities
sapagkat ang. mga bata’y hindi pansinin sa pulis
dahil sila’y musmos pa at bubot pa ang pag-iisp
6.
Paano ang inosente’t kaawa-awang biktima
na nasawi sa nangyaring pamamaril sa iskwela
pati mga nasugatan at ang mga naulila
na nagdurugo ang puso sa labis na pagdurusa
dahil sa Juvenile Justice and Welfare Act paano pa
makakamit ang kanilang inaasam na hustisya?
7.
Marahil ay panahon na upang ang nasabing batas,
rebisahin, at susugan na ng mga mambabatas
sa gulang na sampung taon at mas mababa ang edad
Republic Act 9344 ay dapat na ipatupad
ang batas kontra sa krimen kapag ito ay may butas
lalo lamang tataas ang antas ng kriminalidad
