Alice Dixson sanay na sa intrigang hiwalay na siya sa kanyang asawa

    227
    0
    SHARE
    Bagay na bagay kay Alice Dixson ang ibinigay sa kanyang bagong title ng TV5 na “Timeless Beauty.”   Kasama siya sa bagong serye ng Kapatid network na Babaeng Hampaslupa at na-mesmerize ang movie press na dumalo sa presscon dahil ang ganda-ganda pa rin niya.

    “Tumanda naman ako, kayo naman,” pagkontra niya.

    Yes, pero maganda pa rin siya. Ano ang sikreto niya?

    “Well, simple lang po kasi ang buhay ko sa Canada, no stress. I have a very healthy lifestyle there, I have a very loving husband, wala kaming problema. People are saying nga na kaya ako nandito dahil naghiwalay kami.

    “Please lang, that was the 2002 item nang bumalik ako para gumawa ng tv show, ’yun pa rin ang ano, gumawa naman kayo ng bagong intriga n’yo, hindi na ’yan bago,” say ni Alice.

    Ang aktres ay married kay Ronnie Miranda, isa ring Pilipino. Nagpakasal sila noong 1999 sa nasabing bansa at pagkatapos ay nag-settle na roon.

    Isa raw ang asawa niya sa pioneers ng CGI graphics sa Pilipinas.

    “He has his own business here nang magkakilala kami, so, he’s working behind the scenes and I was working in front of the camera and somehow, nag-cross ang paths namin and ’yun na,” kuwento ni Alice.

    Kahit matagal na silang kasal, wala pa silang anak at ayon sa comebacking actress, choice nila ’yun since ang lifestyle nila sa Canada ay puro travel.

    “But I’m not saying I will never have children. But from the time we got married to now, hindi muna.”

    Kung bakit nagdesisyon si Alice na bumalik ng ’Pinas at mag-artista ulit: “Tumawag kasi sa akin ang mom ko and she said, ‘anak, gusto ko sanang umuwi ng Pilipinas,’ ’coz she’s in the States, wala na kasi kaming kamag-anak dito, nasa abroad na lahat. And I said, ‘Mom, wala naman akong trabaho na sa Philippines, ano ang gagawin ko ru’n, hindi naman kita puwedeng iwanan du’n na nag-iisa.’

    “So, sabi ko, pag-iisipan ko, maybe I can get a project. So, tumawag ako sa TV5, I sent out feelers, and then agad na tumawag si Perci (Intalan, TV5  creative and entertainment head), we communicated and he said that he had a project for me.

    “Pero in the process of everything, hindi natuloy ’yung sitcom project na ’yun, kumbaga, ito na ’yung dumating, and ayun na, pinauwi na ako ng TV5.

    “January 2 ako dumating, and sabak kaagad. So, all of the materials shown sa VTR was what we’ve done in the past three weeks.”

    Kumusta naman ang unang sabak niya sa taping?

    “Kinabahan ako, kasi parang rusty na, right? But Eric (Quizon) and Joyce (Bernal) made me feel right at home and I have very generous cast members, so, it’s like riding a bike, once you know how to know how to ride a bike, you’ll always know how to ride a bike.’

    Natanong si Alice kung nagpadala rin ba siya ng feelers sa ABS-CBN at GMA-7, pero say niyang natatawa, huwag na lang daw niya sagutin ang question.

    Nang tanungin pa rin siya about it, ang nasambit na lang niya  ay, “There were also other offers then, but this is the best project.”

    Samantala, since matagal ngang nawala sa bansa si Alice, may nakaalala na dati niyang naging leading man si Rustom Padilla (ngayon’y BB Gandanghari na) kaya naitanong sa kanya kung alam na ba niya ang tungkol sa pagiging openly gay ng aktor.

    Ayon kay Alice, nasa Canada siya nang mag-out si Rustom at say niya, nagulat talaga siya nang mabalitaan ’yon.

    “My jaw dropped. Nagulat ako talaga, honestly. Everybody was surprised, ’di ba?”

    Natatandaan ni Alice, naka-kissing scene pa niya si Rustom at cute na cute raw siya sa aktor before kaya sure raw siya na magandang babae rin ito ngayon. Hindi pa raw sila nagkikita kasi  kaya hindi pa niya nakikita ang new look nito.

    Halos isang buwan pa lang daw siya sa ’Pinas kaya ’yung ibang old friends niya, hindi pa niya nakikita, tulad ni Ruffa Gutierrez na busing-busy rin. Si Maricel Laxa, nakita na raw niya, same with Dina Bonnevie.

    “Saka, maaga pa ang taon, puro taping pa kasi kami,” she said.

    Hindi pa masabi ni Alice kung magdidiridiretso na ang pag-aartista, pero so far, wala pa sa plano nilang mag-asawa na mag-settle sa Pilipinas.

    LEAVE A REPLY

    Please enter your comment!
    Please enter your name here