Nung tau kang tapat makikaluguran,
Lagyung pulitika e mu na luluban;
Uling kabud iti e mu balung telan
Miras king matsurang pamiabe itinan.
Pablasang nu’man pin katibe ing buklud
Ning pamiyabe yu, e binang malaut
Masira mu pin yan at ganap mapatlud
Potang iti na yang mamilatan lubus.
At keta personal nang interes niti
Itang mangibabo king bage mesabi,
Kumpara king pamikaluguran deti
A muli mung alang kwenta bandang tauli!
Antimo ring sadiang mitiket kanita
A meging mayor at bise alkalde na;
Ining tauli uling binang marapal ya
Kalukluk na pamu aliwa ne tira;
At ta’ne pin aplit sisiran ing metung
Ban bukas, makadua, ya namang mag-mayor;
Iti e mu mekad king balen Sun Sea Moon
Miliari keng mengalabas a panaun!
A nu’ pati na ring konsehal kanita
Ning meging mayor a sadiang kakampi ra,
Oren mayayakit marok ne karela
Uli na marahil ning “self interest” da.
At maging ing metung mu karing konsehal
Ning Ex-Mayor a iti iniang panahun nian,
Oyan, linto anti ne wari pung mortal
A kalaban ngening miuman lang tinagal.
At bali ala na ita ning masanting
A pamiyabe reti pauli namu pin
Ning katutuan a ing personal da reting
Interes yang agad magbabo marahil!
E ku buring sabian ing kelan dignidad
Ing suportan ke ing ketunggali’t sukat
Ning sadiang abe ku – nune e masampat
Ing anti kaniti nung surian banayad;
Kasi balamu yang ala nang ulaga
Para karen ing tune kasagraduan na
Ning intension deting magsilbi talaga
Nung ala lang respetu king sarili ra.
King makananu me indorsu ing tau
A keta sadia mung pakisiran ustu;
At kaibat na nita yang pakiabayan mu
King ngeni nasa yung talanan a puestu?
O keng pulitika talagang makanian,
Ala tamung priming katoto’t kalaban?
Ing ngeni kakampi, ating aldo datang
Yang katunggali mu o kalaban mortal?
Pablasang migit king nanu pa man ata
Ing mesabing bage kumpara king sabla
Peka-marinat ne keti king masala
Inia’ing prinsipyu ring dakal masisira!
(At balamu wari ding talapanalal
Lalon dong’ kalupa rang alang masabal,
Uling lalto nanu pa man ing mimiral
Makisake tamu king kelan dang dangal?)
Lagyung pulitika e mu na luluban;
Uling kabud iti e mu balung telan
Miras king matsurang pamiabe itinan.
Pablasang nu’man pin katibe ing buklud
Ning pamiyabe yu, e binang malaut
Masira mu pin yan at ganap mapatlud
Potang iti na yang mamilatan lubus.
At keta personal nang interes niti
Itang mangibabo king bage mesabi,
Kumpara king pamikaluguran deti
A muli mung alang kwenta bandang tauli!
Antimo ring sadiang mitiket kanita
A meging mayor at bise alkalde na;
Ining tauli uling binang marapal ya
Kalukluk na pamu aliwa ne tira;
At ta’ne pin aplit sisiran ing metung
Ban bukas, makadua, ya namang mag-mayor;
Iti e mu mekad king balen Sun Sea Moon
Miliari keng mengalabas a panaun!
A nu’ pati na ring konsehal kanita
Ning meging mayor a sadiang kakampi ra,
Oren mayayakit marok ne karela
Uli na marahil ning “self interest” da.
At maging ing metung mu karing konsehal
Ning Ex-Mayor a iti iniang panahun nian,
Oyan, linto anti ne wari pung mortal
A kalaban ngening miuman lang tinagal.
At bali ala na ita ning masanting
A pamiyabe reti pauli namu pin
Ning katutuan a ing personal da reting
Interes yang agad magbabo marahil!
E ku buring sabian ing kelan dignidad
Ing suportan ke ing ketunggali’t sukat
Ning sadiang abe ku – nune e masampat
Ing anti kaniti nung surian banayad;
Kasi balamu yang ala nang ulaga
Para karen ing tune kasagraduan na
Ning intension deting magsilbi talaga
Nung ala lang respetu king sarili ra.
King makananu me indorsu ing tau
A keta sadia mung pakisiran ustu;
At kaibat na nita yang pakiabayan mu
King ngeni nasa yung talanan a puestu?
O keng pulitika talagang makanian,
Ala tamung priming katoto’t kalaban?
Ing ngeni kakampi, ating aldo datang
Yang katunggali mu o kalaban mortal?
Pablasang migit king nanu pa man ata
Ing mesabing bage kumpara king sabla
Peka-marinat ne keti king masala
Inia’ing prinsipyu ring dakal masisira!
(At balamu wari ding talapanalal
Lalon dong’ kalupa rang alang masabal,
Uling lalto nanu pa man ing mimiral
Makisake tamu king kelan dang dangal?)
