PULILAN, Bulacan — Makaraan ang 22 taon ng pagtatago ay naaresto sa bayang ito ang dating pulis na suspek sa double murder ng publicist na si Salvador “Bubby” Dacer at driver nito na si Emmanuel Corbito.
Ang naaresto ay si William Reed y Flores, 57, na nasakote habang magwi-withdraw sa isang money transfer outlet sa Barangay Poblacion.
Nabatid na si Reed ay kabilang sa National Most Wanted Person ng Department of Interior and Local Government na may patong sa ulo na P250,000.
Ayon kay Barangay Balatong B. chairman Edgardo Hipolito, nasa tatlong taon na umupa sa isang apartment sa kanilang barangay si Reed.
Hindi aniya taal na taga-kanilang barangay si Reed na lumipat doon nang magsimula ang pandemic.
Tahimik lamang daw ito at laging umaalis sa inuupahang bahay at hindi nila napaghinalaan na isa na pala itong wanted.
Ayon naman sa ulat, aa kasalukuyan si Reed nakaditene sa Police Regional Office 7.
