Arimuan – macamenus, macatipid
Antimanu – agad-agad, ora mismu
Alang pidatucan – alang pilulanan
Astaca – tarac, tulus, pemosti.
Barandal – pangambil, paniabat
Bayube – paragsa, mikiling (a bili)
Belibul – berena, bisbus, kilcul
Bentai – casiguruan, catiyacan
Casantingan – catamtaman
Casingkilan pago – cacaluguran, cayabiayan
Casulung pinggan – calaguyu, cabit
Cayagum – cayabe keng kimutan.
Discu – panganib, peligru, disgrasya
Dampulan – culayan (capamilatan ning
pepabucal a catas uyat pundutung, a nu’
italbug ing imalan a pagobra ban tumibe).
Eskribyente – empleyada o magobra keng husgado
Entoces – (a Spanish word) nung macanian, ‘thus, so’
in English); Esklibyente – ‘escalator’ keng English.
E micacatulpac – samut-samut, alang camasalesen.
Ganarul – matibe keng labanan, subuc keng tetagan
Gastarul – e biasang magtipid, bulagsac
Gastadu – maragul ne mebawas o masyadu neng
gasgas ing metung a bage ban agamit masalese.
Ilacu – itinda; Ialili – ilibe, ipalit; Ilicas – ike king
aliwang lulanan (antimo keng boti o nanu mang
bage a maliaring pidatucan, solido o material ban
e masayang lalu’t iti maulaga o macailangan).
Pakiabaran – pakiascalan, pakilabanan, patulan
Palpakitua – licas a panugali ring aliwa itang
ipilit dang ing carela ing ustu agyang balu rang
ing casabi reti ing atyu king matulid.
Lanubu – suli; Bungang sangang bucu – Pale
a mepalut na pero caibat ning mapilan aldo ating
sumiro sanga ning mepalut a pale at itang mapilan
a tinalage ing mayaus ‘bungang sangang bucu’.
Tinalage – bunga ning pale, a caibat ning atlu o
bayu miras ing capat a bulan a panga-tanam niti
malyari nang palutan o pupulan balang suli ring
sinabud pale a pawang memunga mu naman.
Mipaidlip – mipatudtud; Meputut – mepatad
Sinalangsang – tinutul, e cumpormi king
mepisabi o mepicasundu ring aliwa;
Menabu – mebaldug, menacbag, meyuyut.
Pilasan – tacman, namnaman a lasa, nung capad
tamu o ali, bayu payalian ing nanu mang bage
a inampang ning metug a tau, kesa king iti e ta’
man sibucan ticman, payalian ta’mung agad.
Panalumduman – panintunan, pagdulapan
Talintingan – pakibaluan; Lawen – lon, alben
Mamalagua – mamirapal, sasamal, gagagad
Mamicacunu – bantulut, e maybug malaus
lungub o magpaindispu mu man king pintalan na.
Maleparan – dacal a cayaduangan, cacaluguran,
cakilala at aliwa pang personalidad a malaguang
alapitan neng atyu tamu keng gipit a cabilian at
alang balung pilisunan nu’ne ing taung iti. ~
