LUNGSOD NG BALANGA — Pito sa 11 bayan at isang lungsod sa Bataan ang wala nang aktibong kaso ng coronavirus disease matapos bumagsak sa 10 ang nalalabing bilang nito noong Biyernes, batay sa pinakahuling ulat ng provincial health office nitong Linggo.
Ang mga bayang zero na ang mga aktibong kaso ay Bagac, Pilar, Abucay, Hermosa, Morong, Orani, at Samal. Ang may mga aktibong kaso pa ng Covid-19 ay Balanga City – 2, Limay – 1, Mariveles – 4, Orion – 1, at Dinalupihan – 1.
Walang naitala noong Biyernes na bagong kumpirmadong kaso ganoon din ng pumanaw dahil sa sakit na mula sa virus. Nananatiling 37,948 ang kabuuang bilang ng mga nagpositibo at 1,401 ang mga nasawi.
Wala ring bagong nakarekober kaya 36,537 pa rin ang bilang ng lahat ng gumaling na.
Bagama’t pabawas na ng pabawas ang mga kaso, patuloy pa rin ang paalaala ng PHO na palaging maghugas ng kamay, magsuot ng face mask at mag-observe ng physical distancing na dalawang metro.
Ang hindi pa nababakunahan o hindi pa nakukumpleto ang bakuna laban sa Covid-19 ay pinapayuhang magpabakuna na.
