OLONGAPO CITY – Dalawang preso ang nakatakas sa detention cell ng Police Station 4 ng Olongapo City City Police Office (OCPO) sa Barangay New Cabalan sa lungsod na ito.
Ayon sa ulat nasa kalakasan ng buhos ng ulan kamakalawa ng madaling araw nang lagariin ng dalawang preso ang rehas ng bintana sa kanilang detention cell kung saan sila dumaan.
Kinilala ang mga pugante bilang sina Engeland Hidalgo, 33, na may kasong paglabag sa Section 5 at 11 ng R.A. 9165, at Joshua Alviar, 18, na may kasong theft.
Kaugnay nito patuloy ng pinaghahanap ng kapulisan ang dalawang takas para sa agarang ikadarakip ng mga ito.
