Metung ne na namang guintung tinalage
ing king amanung mal, metanggal king tangke,
inya ing Parnaso nung apansinan ye
ing payung nang biga matuling ya kule;
uling kelungkut na iting pangawale
nang Nelson Tanedo, a Poetang tune.
Tune yang Poeta ning balen tang tibuan
inya ing lagyu na, e ne makalinguan;
ding kawatasan na bie na lang melakuan
kakablas king dalig ning meto ketawan
nung nu na pepalkas at pikipaltawan
lugud king amanu…, king amanu sisuan
Agyang malambat ne bansang Amerika
ali ne tikusan ing amanung mana;
ipagmaragul na king Kapampangan ya
king diwa at dapat…king panugali na;
inya naman agyang potang mag”magic’ ya
amanu yang sisuan ing gagamitan na.
Pangakapampangan makaslag yang aldo
king panugali nang Mang Nelson Tanedo;
inya king Aguman Kapampangan, linto
ing malasakit nang masagad, masaklo,
yampang nang agyu na…masipag yang galo
ban iting aguman magluid ya talindo.
Metung a suyu nang pagsintyan ding malda
ya ing kagiwan nang mangiyatad saya;
subali keng “magic” o poesia kaya
atin pang dapat nang makapagmulala;
ya itang, ding tau nang kapagsalita
balu nong pakailian…mamubud yang tula.
Potang magpusung ya, tune neng larawan
ning maligayang bie babo ning ketawan,
akit mu king galo ning kayang katawan…
king mamu nang lupa, lawe ampon timan;
ligaya yang lusuk ing kayang daralan
ibat king pusu nang…pusung kapampangan.
Ngeni ing katawan a sadyang maliksi
makapainawa ne, maratun ne bili;
pati mahikerung gamat at taliri
painawa lang kambe ding mata at labi;
ing e mipainawa kaniting saguli
ya ing alala ning gintung nang ugali.
Gintung panugali…king mata ring tau
makislap yang anting ari ra ding batu;
Gintu yang maningning king parang ning bersu
tune yang malugud king keyang amanu;
gintu yang pusu na ampon pangatau
karing kekuyug na keti babo yatu.
Keti babo yatu, e malyaring mapda
gintu nang alala ning mayap nang gewa;
king berding Parnaso atin neng dambana
mikabit ne lagyu antimong makudta;
inya kabang atin daralit masaya
atyu ing diwa nang mangiyatad tula.
Gagkas na kung pamun… king watas ning balen
Mang Nelson Tanedo, ing mal tang kabalen;
king pamamunta na king masayang Eden
pabakal ke kaya dalit kung babaslen
kambe ning panatang e ya mipaburen
ing mal nang amanung tapat nang sisesen.
Ya na ing dalangin kanyang Ibpa babo
kawulan ne sana i Nelson Tanedo,
nung keti king sulip Poeta yang linto
karin banua naman matungge yang Santo,
karin dasnan nala kawal ning Parnaso…
king pagkarinan nang Masayang Paraiso.
ing king amanung mal, metanggal king tangke,
inya ing Parnaso nung apansinan ye
ing payung nang biga matuling ya kule;
uling kelungkut na iting pangawale
nang Nelson Tanedo, a Poetang tune.
Tune yang Poeta ning balen tang tibuan
inya ing lagyu na, e ne makalinguan;
ding kawatasan na bie na lang melakuan
kakablas king dalig ning meto ketawan
nung nu na pepalkas at pikipaltawan
lugud king amanu…, king amanu sisuan
Agyang malambat ne bansang Amerika
ali ne tikusan ing amanung mana;
ipagmaragul na king Kapampangan ya
king diwa at dapat…king panugali na;
inya naman agyang potang mag”magic’ ya
amanu yang sisuan ing gagamitan na.
Pangakapampangan makaslag yang aldo
king panugali nang Mang Nelson Tanedo;
inya king Aguman Kapampangan, linto
ing malasakit nang masagad, masaklo,
yampang nang agyu na…masipag yang galo
ban iting aguman magluid ya talindo.
Metung a suyu nang pagsintyan ding malda
ya ing kagiwan nang mangiyatad saya;
subali keng “magic” o poesia kaya
atin pang dapat nang makapagmulala;
ya itang, ding tau nang kapagsalita
balu nong pakailian…mamubud yang tula.
Potang magpusung ya, tune neng larawan
ning maligayang bie babo ning ketawan,
akit mu king galo ning kayang katawan…
king mamu nang lupa, lawe ampon timan;
ligaya yang lusuk ing kayang daralan
ibat king pusu nang…pusung kapampangan.
Ngeni ing katawan a sadyang maliksi
makapainawa ne, maratun ne bili;
pati mahikerung gamat at taliri
painawa lang kambe ding mata at labi;
ing e mipainawa kaniting saguli
ya ing alala ning gintung nang ugali.
Gintung panugali…king mata ring tau
makislap yang anting ari ra ding batu;
Gintu yang maningning king parang ning bersu
tune yang malugud king keyang amanu;
gintu yang pusu na ampon pangatau
karing kekuyug na keti babo yatu.
Keti babo yatu, e malyaring mapda
gintu nang alala ning mayap nang gewa;
king berding Parnaso atin neng dambana
mikabit ne lagyu antimong makudta;
inya kabang atin daralit masaya
atyu ing diwa nang mangiyatad tula.
Gagkas na kung pamun… king watas ning balen
Mang Nelson Tanedo, ing mal tang kabalen;
king pamamunta na king masayang Eden
pabakal ke kaya dalit kung babaslen
kambe ning panatang e ya mipaburen
ing mal nang amanung tapat nang sisesen.
Ya na ing dalangin kanyang Ibpa babo
kawulan ne sana i Nelson Tanedo,
nung keti king sulip Poeta yang linto
karin banua naman matungge yang Santo,
karin dasnan nala kawal ning Parnaso…
king pagkarinan nang Masayang Paraiso.
