Sa loob ng isang araw na bonding sa Boracay ng magka-loveteam (lang kaya?), nagawa nilang sumubok sa iba’t ibang water sports tulad ng jetski, speedboat ride, snorkeling at pati parasailing at kitang-kita sa dalawa na nag-enjoy sila nang husto.
Ito ay nangyari last Sunday, isang araw matapos ang grand celebration ni Maine sa “Eat Bulaga” para sa kanyang ika-21st birthday kung saan din siya binigyan ni Alden ng birthday gifts at surprise kiss sa lips.
Kung hindi espesyal ang pagtingin ni Alden kay Maine, hindi naman siguro ito gagastos ng malaki by renting a private plane para lamang sorpresahin ang kanyang `lady love’ sa bakasyon nito sa Bora. May balita na si Alden din umano ang nagbayad ng hotel accommodation para kay Maine at mga kasama nito na actually ay mga kasabwat ni Alden para sa kanyang sorpresa kay Maine. Pinalabas umanong may TVC shoot si Maine sa Bora para sa isang napkin product pero ang totoo, nauna nang dumating doon si Alden lulan ng isang rented private plane para sorpresahin ang Dubsmash Queen.
Samantala, by the time this column comes out ay nasa Dubai na si Alden for a show.
Still on Alden at Maine, tuluy na tuloy na umano ang isang pelikulang pagtatambalan ng dalawa na silang dalawa mismo ang mga pangunahing bituin. Kung hindi kami nagkakamali, malamang na ito’y i-co produce ng GMA Films at APT Entertainment na nakatakda umanong idirek ni Mike Tuviera, anak ng big boss ng TAPE, Inc. na siyang producer ng long-running noontime show na “Eat Bulaga” at APT Entertainment at maging ang management company na kinabibilangan nina Marian Rivera at Maine Mendoza na si Mr. T. (Tony Tuviera).
May lumulutang ding balita na gagawa rin umano ng teleserye sina Alden at Maine.
Sa buwan ng Hulyo ay mag-iisang taon na ang loveteam nina Alden at Maine kaya tiyak na isang malaking selebrasyon ang ihahanda ng “Eat Bulaga” para sa dalawang phenomenal stars.
Maulit kaya ang “Tamang Panahon” show sa Philippine Arena last October 24, 2015?
