Natutuwa ang dating Child Wonder na si Niño Muhlach sa attention na nakukuha ngayon ng kanyang four-yearold son na si Alonzo Muhlach.
Nakikita ni Onin ang kanyang sarili kay Alonzo – ang pagiging bibo at makulit nito. “Ngayon ko lamang lubos na nauunawaan ang ginawa sa akin noon ng Papa (Alex Muhlach) ko kaya gagawin ko rin ay Alonzo” pag-amin niya.
“Lahat ng perang kikitain niya (Alonzo) ay diretso sa trust fund for his future,” pahayag pa ni Onin na aktibo rin sa kanyang acting and directorial job at pagiging isang negosyante. “Siyempre nung kabataan ko, iba pa naman ang mind-set ko noon. Puro gimik.
Kung nagkataoong hindi masinop si Papa, hindi siguro stable ang tayo namin ngayon,” dagdag pa niya. Magkasama ang mag-amang Niño at Alonzo sa “Prinsesa” episode ng “My Big Bossing.”
