Balak pala sanang mag-produce ni Aiko Melendez ng movie para sa kanilang dalawa ni Jomari Yllana pero dahil nagkaroon daw ng kaunting problema kaya ise-set aside na muna niya ito.
Sinabi ni Aiko kung ano ang problema pero nakiusap siya na off the record na lang daw.
Ang ex-husband ang ikinonsidera niyang maging leading man sa pelikulang ipuprodyus niya dahil maganda naman daw eversince ang working relationship nila and may kilig pa naman daw ang tandem nila.
Aminado naman si Aiko na smooth na smooth ang relasyon nila ni Jom ngayon bilang magkaibigan.
Bale ba ay pareho silang single ngayon kaya kinakantiyawan siya kung bakit ba hindi na lang sila magbalikan tutal naman ay may anak sila.
"Minsan, si Jom kasi ano, eh, nandiyan, tapos bigla na lang mawawala. May sariling mundo. But alam ko, I know for a fact na ’yung pagmamahal sa akin ni Jomari is mas matindi pa kaysa sa pagmamahal niya sa akin noon. Mas mahal niya ako ngayon. Alam ko ’yun."
Paano niya nalaman?
"Kasi, kausap ko ’yung son ko ( si Andrei anak nila ni Jom), kasi they went to Baguio a week ago.
So kagabi lang, sinabi sa akin ni Andrei na ‘mommy, dad still loves you very much and ikaw lang daw ang babaeng minahal niya nang sobra,’" kuwento ni Aiko.
Ang nakakatuwa, up to now, ang tawagan pa rin daw nila ay Mama and Dada.
"Kanina lang, on my way here, sabi niya, ‘mama, ano’ng gagawin mo sa ABS-CBN?’ Sabi ko, may presscon ako. Sabi niya, ’pag wala kang ginagawa, usap tayo. Kasi nga, kailangan naman din naming mag-usap kasi nga, for Andrei. Sabi niya, kuwentuhan tayo kasi nami-miss na kita.
"We can joke around na kasi, eh. Sabi ko sa kanya, ‘siguro, hindi na naman nag-oo ’yung booking mo.’ Sabi niya, ‘ikaw talaga mama, lukaret ka talaga.’ Sabi ko, ‘kaya nga minahal mo ako nang sobra-sobra kasi sa pagiging ganito ko,’" kuwento pa rin ni Aiko.
Kung sakali raw na magbabalikan sila, gusto niya ay kusa nilang dalawa. Actually, legally ay mag-asawa pa rin sila up to now dahil hanggang ngayon pala ay hindi pa raw naga-grant ang annulment nila.
"Siguro, hindi ko alam and only time and God will know kung ano ba ang plano Niya," say pa ng aktres na mapapanood na ngayong linggo sa Apoy sa Dagat teleserye nina Angelica Panganiban, Diether Ocampo and Piolo Pascual.
