LUNGSOD NG SAN JOSE DEL MONTE – Ginawaran ng US government ang mga natatanging HIV (human immunodeficiency virus) facilities sa Metro Manila, Calabarzon at Central Luzon sa ginawang Quality Uptake and Improvements in Lifesaving Treatment Services (QUILTS) Awards 2024.
Ang gawad parangal sa ilalim ng President’s Emergency Plan for AIDS Relief at U.S. Agency for International Development, kasama ang Department of Health at AIDS Society of the Philippines, ay ginanap nitong Mayo 19 sa convention center ng lungsod na ito.
Nakatanggap ng main award ngayong taon ang Sail Makati para sa Differentiated HIV Treatment Services para sa kategorya ng providers with clients of 1,000 and above.
Ang Sail Cavite naman ang nakatanggap ng Differentiated HIV Treatment Services para sa kategorya ng providers with clients between 350 and 999.
Ang Meycauyan City Primary HIV Care Clinic naman ang nakatanggap ng award para sa kategorya ng Differentiated HIV Treatment Services para sa kategorya ng providers under 350 clients.
Bukod sa nasabing mga major awardw ay nakatanggap din ng Excellence Award for HIV services in young key populations ang Loveyourself Anglo; QuickRea Excellence Award for Digital Innovation ang Laguna Medical Center; at Host of the Year naman ang San Jose Del Monte.
Marami pang awards sa ibat-ibang kategorya ang iginawad ngayong taon para sa mga HIV facilities sa sakop ng tatlong rehiyong nabanggit.
Ang mga parangal ay batay sa kalidad ng kanilang mga pasilidad, services at best practices para makamit ang mga positive outcomes sa paglaban sa HIV.
Ayon kina Irene Fonacier-Fellizar, president and board of trustees ng AIDS Society of the Philippines, at Teresita Bagasao, project director ng Epidemic Control Project, ang naturang awards ay para palakasin pa ang mga hakbang para wakasan ang HIV epidemic sa buong mundo hanggang sa taong 2030.
Batay sa datos ng DOH, pinakamataas ang kaso ng HIV sa Metro Manila, Region IV at Region 3 habang ang mga karamihan sa mga edad na tinatamaan ay mula 15 hanggang 24 anyos.
