‘MISSED’ KU NE talaga ing seksi kung kabit
keng pilan duminggu a e mi pamikit;
Inya nyang Valentine’s Day kakung aisip
itext ke ba’kaming pasibayung mikit.
Ngana ning tinayp ku: ‘I mis u my darling,
luv u so much my dir, u r my evryting;
Pls c me if u hav ekstra taym dis evening,
let us make luv 2nayt in a motel my dir.
I’ll check in before 5 p.m. at Sogotel,
wil just w8 me darling at room # 7;
B sure 2 come erly so we can stay der
4 mor dan 12 hrs making luv 2geder.
Ing kanakung message kaybat keng binasa
king seksi kung kabit sinend keng malagua;
E migreply…tinext keng mekataladua,
e ya rin mekibat – ninanu ya kaya?
Kabang panayan kung mag-alas singku na,
ing kanakung inip linili ring mata,
Kabang makapiak kung imaginan ku ya
ing kulasisi kung tsampyon keng romansa.
Miras ku king otel lampas alas singku,
king room # 7 kababalaus ku;
Dipa na ning mayap mitda ku animu,
i misis yang disan ku kilub ning kuartu!
