Subic Bay Freeport – Apat an bugaw and dinakip, samantalang 16 na kababaihan kabilang na and dalawang minor de edad na ibenebenta sa panandaliang aliw ang na-rescue ng mga tauhan ng Zambales Criminal Investigation and Detection Team at SBMA Law Enforcement Department sa Pier One and Grill Bar and Restaurant dito.
Kinilala no ZCIDT provincial officer, Chief Inspector Ferdinand Aguilar ang mga suspek na sina Dindo Espiritu, 46, ng No. 75 Aries St., Barangay Sta Rita; Emerlito Santos, 46, ng No. 4- C Apitong St. Extension, Barangay Old Cabalan;
Mario Laquian, 49, ng Leyva St., Barangay Mabayuan; at Rogelio Finuliar, 46, ng No. 208 Mangahan, Barangay Sta Rita pawang sa Olongapo City. Ang pagkakasakote sa mga suspek ay batay sa inilatag ng ZCIDT na“Oplan Nena” at “Oplan Sagip Angel” matapos makatanggap ng ulat na talamak ang ginagawang prostitusuon sa Pier One.
Ang mga suspek ay dinakip ng team na pinamunuan ni Senior Inspector Ferdinand Mendoza matapos tanggapin ang inisyal na P3,000 para sa mga biktima kapalit ng panandaliang aliw.
Ang mga biktima at isinakay sa isang van (WBG-542) at wagon (RGK-527) na pagmamayari nina Santos at Laquian kung saan pinagbayad and mga kababaihan ng P50 bawat isa patungo ng Barangay Barretto kung saan naghihintay ang kanilang mga customer.
Pagkaabot ng pera kay Finuliar ng P3,000 ay kaagad itong inaresto kasama ng kanyang kasamahan. Ang mga suspek at nasa custody na ng ZCIDT.
