Home Headlines ‘Wrong send’

‘Wrong send’

422
0
SHARE

‘Missed’ ku ne talaga ing seksi kung kabit
keng pilan duminggu a e mi pamikit;
Uling Valentine’s Day bigla kung aisip
itext ke ba’kaming pasibayung mikit.

Ngana ning tinayp ku: ‘I mis u my darling,
luv u so much my dir, u r my evryting;
Pls c me if u hav ekstra taym dis evening,
let us make luv 2nayt in a motel my dear.

I’ll check in before 5 p.m. at Sogotel,
wil just w8 me darling at room # 7;
B sure 2 come erly so we can stay der
4 mor dan 12 hrs making luv 2geder.

Ing kanakung message kaybat keng binasa
king seksi kung kabit sinend keng malagua;
E migreply…tinext keng mekataladua,
e ya rin mekibat – ninanu ya kaya?

Kabang panayan kung mag-alas singku na,
ing kanakung inip linili ring mata,
Kabang makapiak kung alben keng magbomba
ing kulasisi kung tsampyon keng romansa.

Miras ku king motel lampas alas singku,
king room # 7 kababalaus ku;
Dipa na ning mayap mitda ku animu,
i misis yang disan ku kilub ning kuartu!

(Asus agiang kenu miras ing antiti
a e na isipan ing dasan na keni
king mesabing Motel, aliwa’ing babai
a nasa nang akit e bulang ite?

Inia ika kuyug, sakali atin kang
king tune Kumander, sasalikut, oyan
ing mumunang bage a paka-ingatan
ban e ka mitibing mangabalbal sikang!

Glossary: (Salitang parehu kabaldugan)

Kabit – Kalaguyu, e tune asawa, babae
Malagua – mabilis, agad-agad
Linili – milisya, misentru king aliwang bage
Magbomba – maglukas imalan, mag-hubad

Kulasisi – Lagyung ayup, a ing meging bayu
niting kabaldugan kabit, kalaguyu, babae at
e tune asawa. Iti makarikil yamu kareng babae
at e ya salitanbg malyaring yaus kareng lalaki.

Mekataladua – aduang besis, pengaduanan
Kababalaus – dire-diretsung linub, e menaya
Dipa’ na ning mayap – digpan ning e ustu
Mitda animu – mebigla, maybug milako male

Mibulang – mibual, miragsa keng pangabigla
Alben – lalon, e patdan matdan, diretsu lawe
Tsampion – pamrimera keng gayut, lantung
Landi – magaling manigobra keng babo kama.

Kuyug – kakaluguran, kayabe-abe, kabarkada
Mitibi – manganib, milapit keng disgrasya
Sasalikut – sisinup, lilihim, lilingad
Sikang – pisngi, mingatbang parti ning lupa.

LEAVE A REPLY

Please enter your comment!
Please enter your name here