Home Headlines Wanted ex-mayor timbog sa baril, bala

Wanted ex-mayor timbog sa baril, bala

1012
0
SHARE

SAN ANTONIO, Zambales – Matapos ang may 10 taon pagtatago sa batas, bumagsak sa kamay ng mga awtoridad ang dating alkalde sa bayang ito matapos i-serve ang search warrant sa kanyang bahay at mahulihan ng malalakas na kalibre ng baril at mga bala.

Kinilala ng pulisya ang dinakip na si ex-mayor Romeo Lonzanida, 85, residente ng Sitio Nangalisan, Barangay Burgos, San Antonio.

Ang operasyon ay pinangunahan ng mga tauhan ng anti-kidnapping group na nakabase sa Camp Crame na nagsilbi ng warrant of arrest.

Nakuha sa pag-iingat ni Lonzanida ang dalawang M-16 at M14 rifle na may magazine at may mahigit na 50 uri ng bala.

Napag-alaman pa na may finality na ang desisyon kay Lonzanida hinggil sa graft case nito kung saan convicted ito sa eight counts ng graft na may parusang 80 years of imprisonment.

Si Lonzanida ay may 10 taon ng nagtatago sa bayan ng San Antonio mula nang mahatulan ito ng pagkakakulong.

LEAVE A REPLY

Please enter your comment!
Please enter your name here