ITONG ISYU hinggil kina Mayors Lacson
ng Magalang at ni Hizon ng Bacolor
kaugnay ng kasong ‘graft’ na diumano’y
kinasasangkutan ng dalawang Mayor
Kung saan itong PDEA ang nagsampa
ng kasong naturan laban sa dalawa,
yan base sa aking mga nakalap na
datos, ang may ‘lapses’ ay itong PDEA
Dahilan na rin sa puntong ginawa lang
ni Mayor Lacson ang marapat na hakbang
ng mga sandaling ang nasasakupan
ay nasa panganib ang kalusugan n’yan
Sanhi ng mabaho’t nakasusulasok
na amoy at dumi ng baboy sa loob
nitong ‘piggery’ na anila’y di halos
nalinis mula nang ya’y lisaning lubos
Ng may-ari nito at mga katulong
na nag-aalaga sa maraming baboy;
Kung saan ang iba’y posibleng sa gutom
namatay nang dahil sa walang malamon.
Mantakin mu naman kung ga’no karami
ang mahigit sa kuatro mil na bilang pati
ng mga inahin, biik, malalaki
at ang bulugan ay mahigit disisyete?
Matatandaang d’yan sa bayang Magalang
ay natuklasan ang laboratoryo riyan
ng bawal na gamot na napapayungan
nitong ‘piggery’ na ginawang sangkalan
Para maikubli ng nagpapalakad
nitong ‘underground’ na malaking shabu lab
ang mga pagkilos niyang labag sa batas,
(ngunit bandang huli rin nama’y nasilat!)
At itong PDEA ang siyang pumapel,
pati sa di dapat saklaw ng tungkulin
base sa info na nakalap po natin,
na aywan kung ‘vested interest’ ang dating?
Kung saan animo yata’y kwestionable
sa PDEA itong mga pangyayari,
laban sa kagalang na Alkalde
kahit pa ma’t nagka-‘public bidding’ pati
Pero nang dahil sa ang pag-‘dispose’ ni Mam
o pagbenta n’yan sa baboy na naturan
ay dumaan nga sa tamang panuntunan,
ano ang kailangan nitong panagutan?
Lalo’t tunay namang hindi ibinulsa
ni Mayor Lacson ang napabilhan niya,
kundi bagkus sa ‘trust fund’ ito napunta
at di kaninumang indibidual aniya.
Malinis kumbaga ang naging transaksyon
ni Mayor Lacson at Mr. Jomar Hizon,
kaya anong dapat ipangamba ngayon
ng dalawa kahit saan yan humantong?
Partikular na nga sa Alkalde mismo
ng Bacolor pagkat ang ginamit nito
sa paglahok n’yan sa ‘bidding’ ay pribado
at di ang tungkulin niya sa munisipyo.
Kundi ng ika nga’y bilang negosyante,
na ‘part owner’ nitong Pampanga’s Best, bale
kaya nga’t ang kasong ‘graft’ ay imposible,
na maipataw sa butihing Alkalde?!
