Ang tulay kinaumagahan. Kuha ni Johnny R. Reblando
CABANGAN, Zambales — Bumagsak ang tulay sa Barangay Felmida Diaz sa bayang ito nang madaanan ng truck na may kargang sako-sakong bigas nitong nakaraang Miyerkules.
Ayon kay punong barangay Idol Ofunda, matagal nang inerereklamo ang nasabing tulay para ipa-renovate pero hindi umano ito nabigyan ng pansin ng pamahalaan ng Zambales.
Hanggang nitong nakaraang Merkues nang mapadaan ang truck na may kargang sako-sako ng bigas na ipamimigay sa mga residente ng barangay at di nanakayanan ng tulay ang bigat nito kaya bumagsak.
Laking pasasalamat naman ng kapitan at mga kabarangay dahil hindi nabasa ang mga bigas at nasa pangangalaga na nila ito at nakatakda nang i-repack at ipamahagi sa mga residente.
