Pareho lang nating mga kaibigan
Sina Mayor EdPam at Congressman Tarzan,
Kaya’t kung puede lang ay pang-dalawahan
Ang ‘seats of office’ na ninasa po n’yan
Upang sa ganun ay di na magbatuhan
Ng kung anong akusasyong maanghang
Itong dating tapat na magkaibigan,
Ng dahil lamang sa bagay na naturan.
Na kung saan pati yata di marapat
In-ere minsan at idinadakdak
Ng ibang kapatid sa pamamahayag
Para makagawa lang ng alingasngas
O isyung posibleng matatawag nating
Tisimis lang kumbaga at mga pasaring
Upang si EdPam ay kanilang sirain
Pero si Tarzan ay posibleng damay din
Gaya halimbawa sa isyu ng J.O.
Na ngayo’y kay Mayor ay ibinabato,
Ya’y di ba’t libo rin ng panahon nito
Base sa nasilip nilang dokumento?
At kung ibang bagay ang pag-uusapan
Tulad ng ‘chicks’ at ng bisyong pagsusugal,
Aywan kung ang ‘sitting mayor’ ay mayrun n’yan,
Pero itong isa’y may tsismis hinggil d’yan.
Totoo o hindi itong mayrun sila,
D’yan ay wala tayong pakialam kumbaga;
Kasi hangga’t tama ang serbisyo nila
At ‘visible naman yan sa opisina
Sa ganang akin ay wala tayong dapat
Ipag-alala o maaring isumbat,
Liban na lamang kung sila’y nagkakalat
Ng lagim… at bayan ang napapahamak.
Pero kagaya nga ng ating nasabi,
Kung ya’y tapat nama’t mahusay magsilibi,
Ano’t di na lamang natin isantabi
Ang kung anuman ang lumabas na siste?
Partikular na sa buhay pulitiko
Ang batuhan kapag halalang ganito
Kaya di na dapat pansinin pa ito
Ng may sariling bait ang pagkatao
Dala na rin nitong karaniwan na nga
Sa ngayon ang lahat na ng klase yata
Ng panghihikayat sukdang ikasira
Ng matinong tao sa harap ng madla
Makuha lamang ng ilan ang simpatya
Ng masa at itong kandidato nila
Itong mangibabaw sa ganyang taktika,
Na lubhang marumi’t di kahaya-haya.
Di ko sinasabing higit na mabuti
At malinis itong ngayon ay Alkalde
Ng napakatanyag na Angeles city,
Kundi ng dahil sa kahusayan pati
At kasibulan pa ang lakas na taglay
Ng pangangatawan sa kasalukuyan,
Kaya’t kayang-kaya n’yang mapaglinkuran
Ang lungsod nang walang anumang sagabal.
Mahusay din naman at naging matapat
Sa panunungkulan ang butihing anak
Ng isa sa ating Governor na tanyag,
Na nagsilbi sa panahong nakalipas.
Nakapaglingkod na ng mahabang taon
Itong sa Congress ay dapat magpatuloy
Ng kanyang trabaho bilang isang Solon,
Ano’t babalikan ang pagiging Mayor?
At di na nga lamang kay kumpare niyang Ed
Ipaubaya ang lungsod ng Angeles,
Ngayong siya nga po’y dapat nang mag-tired,
Kung ayaw na niyang bumalik sa Congress?!
