“Gusto kong mas naka-kausap ko ngayon ’yung manager ko, si Boss Vic (del Rosario), para alam ko ’yung tinatakbo ng career ko,” she said.
For the past years daw kasi ay wala raw siyang direct say at trabaho lang daw siya nang trabaho.
“This time, gusto kong mas maging involved para hindi ’yung trabaho lang nang trabaho.”
Kasama na rin ba rito ’yung siya na ang magde-decide for herself?
“May mga bagay din po na sana, mabigyan ako ng pagkakataon na mag-decide para sa sarili ko pagdating sa career ko. Halimbawa sa movie project na ginagawa ko, ’yung role na binibigay sa akin. Ganu’n din sa mga album.”
What about on her personal life, siya na rin ba ang magde-decide?
“Opo naman. Pero siyempre, meron pa ring guidance ng mga magulang kasi, sobrang importante po talaga ng mga magulang saka ’yung say nila kasi talagang iba, eh. Iba po ’yung instinct nila.”
Naiintindihan naman ni Sarah kapag magkaiba ang opinyon nila ng kayang magulang dahil magkaiba naman daw sila ng henerasyon.
“Pero as long as nakikita ko na kumbaga, may tama rin naman ako, importante na ipaglaban ko nang maayos,” she said.
Ipaglalaban na rin ba niya ang kanyang love life?
“’Yung love life, ano, eh… kelan ko ba hindi ipinaglaban ang mahal ko?” say niya saka napatawa.
Sana nga raw ay dumating na rin ’yung lalaking kaya naman din daw siyang ipaglaban.
Samantala, nakumusta rin namin ang pelikulang ginagawa niya ngayon with John Lloyd Cruz, ang It Takes a Man and a Woman, their 3rd team-up pagkatapos ng A Very Special Love and You Changed My Life.
Ani Sarah ay okay naman daw pero na-move raw ang showing nila at sa March na raw ito ipalalabas.
Supposedly ay Valentine offering ito ng Star Cinema pero sa halip, sa Black Saturday na ang showing.
Ito na raw ang last installment ng nasabing pelikula kaya naman natanong sa kanya kung mapapanood na ba finally ang much-awaited kissing scene nila ni Loydie.
“’Yun po, e, hindi ko masasagot kung ano’ng magiging… basta, abangan na lang po natin,” she said.
Pero keri na ba niya ?
“Kailangan pong pag-usapan. Kailangan kong ikonsulta muna sa mga magulang ko at saka sa manager ko.
Kung ito na ba talaga ang time para du’n. Kung ready na ba ang mga supporters ko para du’n o ready na ba
ako.”
Pero kung siya ang tatanungin, sa tingin ba niya ay nasa tamang panahon na para makipag-kissing scene siya?
“Parang half of my heart, ready na. Pero half of my heart, parang hindi pa. Parang hindi ko pa makita ang sarili ko na nakikita ng lahat ng tao na nakikipag-kiss ako.
“Pero naniniwala naman po ako sa galing ng director namin (Cathy Garcia-Molina),” sagot niya.
Nang makumusta ang working relationship nila ni Loydie lalo pa nga’t may nagbago sa personal life ng aktor dahil may bago itong girlfriend sa katauhan ni Angelica Panganiban, say naman ni Sarah ay natutuwa nga raw siya for her leading man.
“Masaya ako na nakikita ko siya na iba ’yung glow niya at iba ’yung working relationship namin ngayon.
Mas kumportable. Siyempre, matagal din po kaming hindi nakapagtrabaho and para kaming barkada sa set.”
Ibinalita rin ni Sarah na may shooting sila ni Loydie sa New York para sa naturang pelikula at baka raw end of January ang alis nila.
