Kung ang ‘yearly collection on quarry’ noong
Si Lito Lapid ang ‘incumbent governor’
Ay katumbas lang ng buwanang koleksyon
Nang ang punong lalawigan ay si Among;
At lalong lumaki ang buwanang kita
Ng lalawigan nang si ‘Nanay Baby’ na
Ang maupo sa Capitol ng Pampanga
Bilang bagong gobernador ng probinsya
Yan ay malinaw na pagpapahiwatig,
Na ang hinala kay Ex-governor Lapid,
Hinggil sa isyung siya ay posibleng sabit
Sa ‘lahar scam’ ay di lang isang tsismis.
Kundi higit pa sa posibleng totoo
Ang maliwanag na basehan sa isyu;
Sa kadahilanang kung ikumpara mo,
Ang alin man kina ‘Nanay’ at Panlilio
Ay lubhang malayo itong kina Lapid,
‘In terms of millions’ ang perang ipinanhik
Ng ‘quarrying’ sapol nang sina Among Ed
At ‘Nanay’ ang magkasunod na umugit
D’yan sa ‘provincial government’ ng Pampanga,
Na kung saan nag-‘multiply’ nga ang kita
Ng kabang-bayan ng naturang probinsya,
Bunsod ng malinis na ulat at kwenta
Ng ‘daily collection’ na higit ang laki
Kung ikumpara sa dating yan ay ‘weekly’
Ng kita, nitong lalawigang nasabi
Mula sa kung ating tawagin ay ‘quarry’
Na di na kagaya marahil nang una,
Ang ngayon ay sinusunod na sistema,
Kung kaya ang ‘per truck load’ na ikinakarga
Ng mga ‘haulers’ ay bilang na talaga.
At nawala na ang dati’y hokus-pokus
Na pagmanipula nitong taga-loob
At ng kakutsabang mga taga-hakot,
(Na naitatago n’yan noon ng lubos).
Mantakin mo namang ang ‘yearly collection’
Ng mga Lapid nang sila ang Governor
Ay kwenta ‘monthly’ lang sa koleksyon ngayon
Ni Nanay Baby (at ng ‘priest-turned-governor’?)
Kung walang himala sa likod ng lahat
Ng pangyayaring ang 90 percent dapat
Kitain ng Kapitolyo ay lumigwak
At napasa-kamay ng kung sinong ‘corrupt?’
Na taga Capitol nang panahong iyon,
Kung kaya imbes na kumita ng milyon
Sa araw-araw ang ‘provincial capitol’
Ay wala pang ‘thirty million’ sa isang taon;
Ang pinaka-mataas na naging koleksyon
Ng Bida ng Masa sa buong panahon
Ng panunungkulan niya bilang governor,
(Pinaka-mababa noong 2004).
Sapagkat ni hindi umabot man lamang
Ng ‘twelve million pesos’ ang ‘collectibles’ niyan;
Na katakataka kung ikumpara yan
Sa ‘average collection’ sa kasalukuyan.
Di ko ninanais sabihing ninakaw
Ng sinuman ang koleksyon noong araw;
Pero, yan sa aming sariling pananaw
Ay di maikakailang grabeng pagnanakaw
Salamat, matapos ang kung ilang taon
Ay may magkasunod na naging Governor,
Na kagaya nga ni Pineda at ni Among,
Na nakatuklas sa anomalyang iyon;
Na ang ‘Capitol quarry collection’ pala
Ay ‘ 5 million a week’ ang ‘average’ na kita;
Na kung kina Lapid natin ikumpara,
Ya’y baka katumbas na ng ‘6 months’ nila?
