Talagang karas keng pulitika misan
Natural na yata itang ninu ya man
Ing lukluk at lunto mayap manungkulan,
Dakal ka pa murin mialiwang dandaman;
A e masanting o kasiran na niti
Ibat king labi ra detang e kumpormi,
Partikular na ring manintun parati
King ikasira na, matulid a sabi.
Madalas, mayap na ing gewa ning metung
E pa matula ing maka-oposisyun;
Kasi pin nanu mang bage isusulung
Nining makapuestu e maging manayun,
Para king mata ra detang e masaya,
Partikular na ring e pabor kang Oca;
Pablasang likas na king bie ring aliwa
Ing pamangibabo na ning sobrang diria!
Kalupa ning isyung keti salukuyan
A pitutuan da ken ding laman ning dalan,
“Bakit nung e pamu ngeni”, ngana ning Juan
“Linto ing antiting bina king kaselan?”
Nung nu’ pati ngana ing pamandalakit
Karing kalye ngeni mebinang maigpit;
Kabang yan malaut naman keng panganib
Uling ding saken ken e no’man mabilis.
At e naman sadiang maselan makanian
Nune namu pin keng biglang panga-iral
Ning ‘anti jaywalking’ gilid ning pisamban
Ampon karing ‘intersection’ a mapilan;
E bali nung ken king Jose Abad Santos
Avenue ngara pin mipa-iral lubus,
Ken asno kabilis ding daralan a bus
Puera karing truck at dyip a pamaserus
Ampon mialiwa pang klasing behikulu
A misna kabilis papulaying ustu,
Ken e malaut ing bigla kang mabunggu
Nung bisu-bisu ka keng pamaglipat mu!
Pero e naman king yan mangabaldugan
Ing ken mu pu dapat mibawal itinan,
Uling atin yang legal a panuntunan
Ing gubyernu karas keng bage makanian.
At masanting namang lalto ing antiti
Bukud keng malaut king disgrasya iti;
Inia e ta’ sukat pintasan man ini
A pepa-iral ding manungkulan keti.
Burian mu pa wari itang kabud-abud
Bigla kang dalakit at muling pakli tud
Nung apatu ra ka ding padalus-dalus
At alang ingat a tsuper a paratut?
Ing tutu, maluat nang ating batas inggil
King ngeni patupad dang ‘anti jaywalking,’
Yan keng pilan banua ikua nang mipimpin
Pasari ning ausan dang ‘political will’.
A e tamu balung tingiran nung nanu
Klasing ‘political will’ pin ata kanu;
Inia’ing ordinansa metudtud yang ustu
At ngeni pa mipa-iral pasibayu!
Kaibat ning panahun a makaba-kaba,
Angga king itinan ginising neng Oca;
Inia oyan, meging manayun ing sabla,
At nu’ pati “sidewalks” melinis ping bigla!
Natural na yata itang ninu ya man
Ing lukluk at lunto mayap manungkulan,
Dakal ka pa murin mialiwang dandaman;
A e masanting o kasiran na niti
Ibat king labi ra detang e kumpormi,
Partikular na ring manintun parati
King ikasira na, matulid a sabi.
Madalas, mayap na ing gewa ning metung
E pa matula ing maka-oposisyun;
Kasi pin nanu mang bage isusulung
Nining makapuestu e maging manayun,
Para king mata ra detang e masaya,
Partikular na ring e pabor kang Oca;
Pablasang likas na king bie ring aliwa
Ing pamangibabo na ning sobrang diria!
Kalupa ning isyung keti salukuyan
A pitutuan da ken ding laman ning dalan,
“Bakit nung e pamu ngeni”, ngana ning Juan
“Linto ing antiting bina king kaselan?”
Nung nu’ pati ngana ing pamandalakit
Karing kalye ngeni mebinang maigpit;
Kabang yan malaut naman keng panganib
Uling ding saken ken e no’man mabilis.
At e naman sadiang maselan makanian
Nune namu pin keng biglang panga-iral
Ning ‘anti jaywalking’ gilid ning pisamban
Ampon karing ‘intersection’ a mapilan;
E bali nung ken king Jose Abad Santos
Avenue ngara pin mipa-iral lubus,
Ken asno kabilis ding daralan a bus
Puera karing truck at dyip a pamaserus
Ampon mialiwa pang klasing behikulu
A misna kabilis papulaying ustu,
Ken e malaut ing bigla kang mabunggu
Nung bisu-bisu ka keng pamaglipat mu!
Pero e naman king yan mangabaldugan
Ing ken mu pu dapat mibawal itinan,
Uling atin yang legal a panuntunan
Ing gubyernu karas keng bage makanian.
At masanting namang lalto ing antiti
Bukud keng malaut king disgrasya iti;
Inia e ta’ sukat pintasan man ini
A pepa-iral ding manungkulan keti.
Burian mu pa wari itang kabud-abud
Bigla kang dalakit at muling pakli tud
Nung apatu ra ka ding padalus-dalus
At alang ingat a tsuper a paratut?
Ing tutu, maluat nang ating batas inggil
King ngeni patupad dang ‘anti jaywalking,’
Yan keng pilan banua ikua nang mipimpin
Pasari ning ausan dang ‘political will’.
A e tamu balung tingiran nung nanu
Klasing ‘political will’ pin ata kanu;
Inia’ing ordinansa metudtud yang ustu
At ngeni pa mipa-iral pasibayu!
Kaibat ning panahun a makaba-kaba,
Angga king itinan ginising neng Oca;
Inia oyan, meging manayun ing sabla,
At nu’ pati “sidewalks” melinis ping bigla!
