1.
Iniang minunang panaun maralas kung daramdaman karing matwa ing ariya a makatakut neng misan ing metung a sasabian da a e ku lubus kelinguan
ing e ka basta tuturu akuas ngara neng kaugtuan pota ketang e mu balu at e mu rugu sasarian makatud ka karing nunu at akua mung misalunan at ing payul da pa reti king ban e ka miparusan ing penuldu mung taliri malalagua meng kinisan
2.
Agiang kapitangan bengi ing sasabian ding makatwa aktibu la reting nunu at luluyun la kanita karetang liblib a lugal ustu kanung maglakad ka king ba dakang pangilagan makilabas ka karela e ka bata mung tuturu uling e ra kapad ita lakuas na nung daywan ka mu uling e daka kilala ditak a pamagkamali nung e la man mamarusa mekad ilili daka mu nung ku ka man bisang munta
3
Ngening modernung panaun mekalinguan iting ganap mekad ali ra na balu ring bayung sibul a anak karing masaplalang lugal a anti mo karing syudad iti e ra na sikasu, at mekalinguan na’t sukat dapot aku angga ngeni makatanam kening utak kapanwalan da ring matwa king panaun a milabas uling ating magpatutung atin kanung laman labuad e ta la mu pin akakit a king yatu libad-libad
4.
King makamal tamung balen mekad atin manganunû karing palpak a flood control atin nang mipapanurû lawan yu ing malilyari detang anggang ating balû ketang gulung aluban da malilingasngas nong tutû lipang no ngan kaisipan, ampo pang mipapanuldû nung ninu ing dapat sisian, at ninu ing pasimunû
e maglambat manunu la, ustung gulpi reng aturû itang matuang balbasan a, makatalungku king punsû
